內地客無理要求！嫌衫有線頭𢱑折扣：「賣爛貨還不給客人打折？」｜網絡熱話
廣告
無理內地客聲大夾惡！大家買餸最愛講價，老闆好人嘅話都會平1個幾毫，但係連鎖店或小型店舖就好難講，基本上間間都名碼實價，間唔中做吓減價活動益街坊，所以甚少聽到有人去呢啲舖頭講價！但有網民投稿指有內地男客對貨品嫌三縑四，不斷要求攞折。
撰文：Evita｜圖片：網上圖片、西客之道Hispitality Secret
內地客買衫 嫌三嫌四要求折扣
聲稱喺細舖做售貨員嘅樓主，分享有日返工遇到位內地客，帶埋個仔去到舖頭睇衫，試完打算買嘅時候先望價錢牌。
樓主：「睇佢望完價錢牌個樣都知佢嫌貴㗎喇，其實唔係好明啲人點解會唔睇價錢就試。」
內地客隨即問件衫有無折，而樓主就話兩件9折。點知內地客就話：「特地來香港買你們的衣服，就給我打個折唄。」（內地客只買一件）
而樓主話見嗰日無生意，為咗交差，一件都照做9折。
樓主：「 好吧，我幫你打個9折。」
內地客：「 一件才9折，打個8折吧。」
樓主：「9折已經很便宜了，原本是沒有折扣的。」
不過內地客仍然唔心息，搵到衫裡面嘅埋線位，就話有少少線頭凸咗出嚟。
內地客：「你們這麼大一家公司，做生意這麼不公道！這有損壞的貨物賣給客人還不打折！」而樓主就話件件衫都會有，係好正常。
而內地客就話如果再唔比折就唔買，樓主態度企硬，話畀咗9折無得再畀。內地客最終再試多次件衫，話著上身又唔覺線頭部分有咩問題，點都要攞返個尾彩，最後先死死氣畀錢，不過依然口嗡嗡話「損壞的貨品才打9折」。
網民認為唔可以縱容
有唔少網民都話而家愈嚟愈多呢啲客人，笑言係樓主唔啱，唔應該畀折呢個客，完全縱容晒啲衰客人，亦有人話「爛貨」就應該收起唔好賣，打發佢走就算。如果大家係樓主，你哋又會點做呢？
撰文：Evita｜圖片：網上圖片、西客之道Hispitality Secret
關鍵詞
網絡熱話
