【復活節活動2019】喚起集體回憶 挪亞方舟「童遊反斗時光機」

【復活節活動2019】五大期間限定活動率先睇！

1｜「懷舊香江製麵館」

小朋友與同行家長可以親自製作唔同嘅手製麵條，利用製麵機調製不同味道嘅健康麵團，選擇不同口味的湯底搭配，小朋友可以一試下廚嘅樂趣呀！

2｜「維他奶砵仔糕工作坊」

唔同年代嘅人都會好鍾意食砵仔糕呢款懷舊街頭小食，更加被譽為香港「集體回憶」，小朋友可以襯今個復活節試吓用維他奶去整出新派嘅砵仔糕，好特別㗎！

3｜「養生花茶體驗坊」

小朋友可以換上充滿復古味道嘅茶館師傅制服，去學習點樣調配各色各樣嘅草本花茶，了解到唔同花茶嘅功效。仲可以親手入袋，方便沖飲，可以沖俾平時照顧佢哋嘅爸爸媽媽～

4｜「巨型懷舊遊戲競技場」

波子棋、彈珠台同層層疊都係上一代童年時好受歡迎嘅玩意！喺競技場入面呢3款玩意都會變成「放大版」，更變成一個「過三關」的童趣擂台！俾小朋友放電一流！

5｜「情尋康樂棋製作室」

康樂棋曾經係好受歡迎嘅桌上遊戲。小朋友可以喺活動入面自製一副康樂棋，喺棋盤到發揮創造力，設計一副專屬嘅港式康樂棋。

挪亞方舟「童遊反斗時光機」
日期：4月19日至5月13日（逢星期六、日及公眾假期）
地點：挪亞方舟
費用：成人 $168、小童及長者 $138