馬國明首度回應記者 網民大讚「真係好男人」

撰文：E｜圖片來源：Facebook

馬國明首度回應記者

下午時分，馬國明在TVB電視城，首次對開回應許志安、黃心穎的《安心偷食》事件。

馬國明回應內容概要：

「呢件事我好快已經冇咗嬲嘅感覺，我係好平靜嘅。

同埋我係好快變成擔心嘅，我係好擔心所有牽涉嘅人。

任何一個人受到傷害嘅，我都唔希望。

我唯一係可以代表佢（黃心穎）講少少嘢。

咁其實我都知佢自己知道做錯咗。

我都知佢好想出嚟同大家講。

公司暫時係驚佢情緒唔係好穩定、驚佢講錯嘢。

所以冇安排佢出嚟同大家講

我知都出咗IG講咗佢要講嘅嘢

我只可以話佢仲好年輕，未來佢仲有好多路要行

我希望大家可以俾啲空間佢

嚟緊我都會好專心我嘅工作，我會繼續拍好我嘅戲

其實我仲開梗工嘅，我唔希望會影響呢部戲嘅進度」

他又提到：「其實安仔都講咗嘢喇，我亦唔會發表任何意見。我覺得呢個世界冇人有資格發言，除咗安仔太太之外，其實大家都冇資格去發言嘅。所以希望呢件事可以盡快平息咗佢就算啦！」

馬明提醒不要驚動家人

馬國明在回應中亦強調同提到，希望各位媒體高抬貴手，不要再驚動到他的家人。

網民一致撐馬明

黃心穎首次回應

《安心偷食》事件被爆出後，黃心穎的個人IG已關掉了留言功能，而一直沒有對開作出回應。但在馬國明公開回應前半小時，黃心穎終於在個人IG出Po向大家同有關人士致歉。

「尋日好多記者搵我，想沉澱一下點去處理呢件事，同公司及同事商量點去回應。」

「好後悔好後悔，知道自己犯咗好大嘅錯，好對唔住受牽連嘅人，特別係父母及家人」

「對唔住公司，對唔住馬國明同佢嘅屋企人。呢一刻情緒仍然未平復。」