黃心穎
黃心穎

【安心偷食】力阻黃心穎許志安偷食 同車男友人被網民封最佳好友

熱話

廣告

噚日許志安同黃心穎各自出軌,二人車內纏綿片段震撼全城。今次事件入面,除咗兩位主角,其實仲有一個重要角色,就係影片開頭同佢哋同車嘅男性友人!片段入面該朋友堅持要送黃心穎返屋企先,似乎有心阻止偷食事件發生!

撰文:PC |圖片來源:許志安Facebook圖片

夾硬一齊上車

正所謂「阻人XX燒XX」。許志安同黃心穎出席完友人生日之後就搭車走,但片段一開頭就見到有一位男性友人夾硬一齊上車,仲不斷堅持先送黃心穎返屋企先,但遭黃心穎爆粗拒絕,即使上咗的士僵持咗約一分鐘,擾亂一輪,直到許志安出聲先妥協。

不斷提醒許志安

而車程途中,男友人都覺得唔對路,甚至提議不如先送許志安返屋企,一次又一次咁嘗試力挽狂瀾,更一度搭一搭佢膊頭,表現得好着緊,好似想提醒佢唔好亂嚟。

許志安承諾會同黃心穎各自返屋企

最後司機車到去大坑,男友人都表現擔心,直至許志安揚言會同黃心穎各自返屋企,男友人反問:「你講堅?」安仔話:「係,堅。」先好唔情願咁落車。相信如果當時許志安明白友人嘅苦心,就唔會搞到今時今日咁大件事。

網民:許志安唔配有呢類朋友

好多網民睇完呢條片,都不停大讚男友人真心為朋友着想,希望可以阻止今次事件發生,不斷力挽狂瀾。雖然最後都係失敗,但個個網民都話佢「做friend嚟講都算係咁」,更封佢為最佳好友,只係許志安唔配有呢啲朋友咁話。