【安心偷食】網民驚人發現 18年前〈昨遲人〉MV神預言黃心穎偷食事件

Apr 17 2019

黃心穎同許志安偷食事件轟動全城，昨日許志安即晚開記者會交代事件，承認自己錯誤並為此道歉，更宣布會暫停所有工作。當全城都熱烈討論之時，有網民竟然翻查到許志安喺18年前〈昨遲人〉嘅MV入面有佢同馬國明一同出現，更覺得MV係神預言！

撰文：PC ｜圖片來源：新假期資料室、《昨遲人》MV

〈昨遲人〉MV埋下黃心穎許志安偷食伏筆

黃心穎同許志安「安心偷食」事件成為全城熱話，有網民發現許志安2001年〈昨遲人〉TVB版MV入面，有佢同馬國明一同出現，加上某啲歌詞嘅意思，似為偷食事件埋下伏筆！

〈昨遲人〉TVB版MV中，大約講述馬國明原本係一個跑步好手，因為一次意外令自己變成傷殘要坐輪椅，更見到好朋友安慰自己女朋友；而喺MV最後，許志安仲會拍一拍馬國明安慰佢。唔少網民睇到都話同黃心穎偷食事件好應景！

〈昨遲人〉呢首歌都係講述男女感情，表達另一半離開自己之後先後悔以前冇好好珍惜對方，後悔一切已經太遲。而其中有幾句歌詞「給你與某人在長夜共抱」、「我會祝福你安好快樂投入那些懷抱」，網民仲大膽套落近日黃心穎同許志安「安心偷食」事件，係咁話係神預言呀！

基於MV入面都有一位女主角，最後同馬國明朋友一齊。有網民就話「好彩MV女主角唔係黃心穎」，追溯返MV年份為2001年，馬國明都係出道咗幾年，而黃心穎2012年先參選港姐入行，MV出街時都只係12歲。所以真係「如有雷同，純屬巧合」。

關鍵詞