後生仔腳痛坐關愛座 阿伯強行拉起:「我都腳痛啊!」| 網絡熱話
後生仔腳痛坐關愛座 阿伯強行拉起:「我都腳痛啊!」| 網絡熱話

後生仔腳痛坐關愛座 阿伯強行拉起:「我都腳痛啊!」| 網絡熱話

關愛座 究竟係「老人優先座」,還是真係畀有需要嘅人坐呢?因為關愛座而鬧交嘅事件大家都聽過唔少,日前又有阿伯同後生仔因為關愛座而引起爭執,更被乘客拍片放上網,一眾網民睇完都鬧爆片中阿伯,究竟係咩事呢?

撰文:Evita、Pi | 圖片:影片截圖

阿伯強行從關愛座拉起傷患者

近日有 台灣 網民坐捷運時,遇到一個阿伯同後生仔因為關愛座而爭執。網民指阿伯強行將一位有腳痛嘅後生仔從關愛座拉起。

有兩個空出嚟嘅關愛座,不過阿伯無理,依然同後生仔理論

片中聽到阿伯對住後生仔講:「我跟你上一課!」後來有男乘客主動講呢位後生仔腳痛需要坐,不過阿伯都大大聲話:「我也腳痛啊!」

有女網友指出,其實阿伯上車之前已經有一位女乘客讓座畀佢,跟手阿伯自己坐一個,再用袋霸佔另一個位。

兩個人越鬧越勁,其他乘客眼見就快要打起上嚟都主動勸喻兩人,更將後生仔拉開,最後車長到場調解。

片段被擺上Facebook後有唔少網民都大鬧阿伯,認為阿伯倚老賣老,認真乞人憎。

所以話,關愛座真係搞到啲後生唔敢坐。

最新吃喝玩樂資訊