復仇者聯盟4
復仇者聯盟4

【復仇者聯盟4】睇Marvel都可以長知識 浣熊同小熊貓點樣分?

影視娛樂

廣告

復仇者聯盟4】下星期三對好多人嚟講都好重視,因為《復仇者聯盟4:終局之戰》(Avengers 4:Endgame)終於上畫喇!粉絲們一定好熟悉入面大大小小嘅角色,而以浣熊為原型嘅Rocket Raccoon都深受fans歡迎。但原來有好多人都會將浣熊同小熊貓混淆,究竟佢哋點分呢?

撰文:PC | 圖片來源:新假期資料室、網上圖片

復仇者聯盟4】睇電影都可以長知識

《復仇者聯盟4》快將上映!除咗大部分主角都好受大家歡迎,仲有其他副線角色都好出眾㗎!就好似出自《銀河守護隊》入面嘅Groot同Rocket Raccoon,表現都好搶鏡~就好似Rocket Raccoon咁,作為一個射擊高手,又精通戰術,喺《復仇者聯盟4》入面都會擔當主要角色之一。以浣熊為原型嘅佢,竟然會有人同小熊貓混淆,等小編同大家比較一下,等大家可以一邊睇戲,一邊長知識啦!

復仇者聯盟4
Rocket Raccoon喺戲入面表現好搶鏡。

浣熊 vs 小熊貓 外觀對比

最明顯嘅對比就係佢哋嘅毛色,小熊貓都係以啡紅色為主;而浣熊係灰黑色。但佢哋嘅面相驟眼睇真係好似樣,不過細心睇嘅話小熊貓嘅咀會比較短,頭圓耳大,而尾巴都會長一啲,手仔都似熊仔。
復仇者聯盟4

而浣熊就比較頭尖耳細,手仔會比較似猴子嘅爪,亦有啲人會覺得浣熊外觀好似老鼠。

浣熊 vs 小熊貓 性格對比

外界一般認為小熊貓性格比較溫順,加上外觀有啲似貓貓又帶啲稚氣,深受大眾喜愛。

而浣熊性格都好活潑好動,好鍾意「偷嘢食」,喺外國浣熊甚至會襲擊人類同其他動物,性格比較兇殘同有攻擊性,正因為咁所以大眾都覺得唔可以將佢哋當寵物養。相信Marvel fans睇過Rocket Raccoon都好清楚浣熊嘅攻擊力係幾咁驚人,即管睇下到時復仇者聯盟4佢表現係點啦!

復仇者聯盟4
有睇Marvel嘅fans都知道浣熊嘅攻擊力係點。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..