好想瘋狂叫雞！肯德基爺爺變身成西裝肌肉型男超吸睛
廣告
眾所周知，一講起KFC都會即時聯想起創辦人肯德基上校爺爺，佢嘅招牌白色西裝加上大肚腩嘅形象深入民心。不過近日KFC嘅官方Instagram公開咗幾張肯德基上校嘅新look，竟然由慈祥老爺爺化身成為大隻型男，引起全球網民討論呀！
撰文：PC | 圖片來源：KFC官方網頁、KFC Instagram
肯德基上校化身成肌肉型男！
肯德基上校為KFC創辦人，一直都係以微胖有肚腩嘅爺爺形象視人。但KFC官方Instagram喺日前公開咗上校新相片，由肯德基爺爺變成大隻型男！除咗保留原有嘅招牌白髮同白西裝，仲換上咗一副文青眼鏡。女士們尖叫吧！！
上校真身係…
正當網民都開始想人肉搜尋呢位靚仔係邊個嘅時候，發現原來相中人竟然係電腦合成出嚟嘅虛擬人物！而KFC更喺Instagrm上載佢嘅日常生活照，好似煮嘢食、騎馬、開會等等！打造成網紅一樣呀！
網民反應兩極
雖然好多網民都覺得呢位KFC新上校嘅形象又型又吸引，不過同時亦有少數網民覺得呢種行為好唔尊重創辦人上校爺爺，希望KFC盡快停止呢個新嘅宣傳手法。唔知大家又點睇呢？
