KOL
KOL

韓國美妝KOL患癌剃髮過程全公開 男友安慰:「你是最可愛的!」

熱話

廣告

人生無常,好多事情我哋都預計唔到。韓國一名美妝KOL日前喺社交平台公開自己不幸患癌嘅消息。並拍低咗自己因為接受化療而脫髮嘅樣,令好多人都心疼不已。

撰文:PC | 圖片來源:새벽instagram새벽YouTubeChannel

人氣美妝KOL 公開不幸患癌消息

韓國KOL「새벽」嘅社交平台坐擁近60萬粉絲,喺當地係相當有名氣嘅「美妝教主」,但年紀輕輕嘅佢喺早前喺社交平台大膽公開自己不幸患上淋巴癌嘅消息,對佢帶嚟好大打擊!

化療期間不斷脫髮大受打擊

試問一個貪靚嘅女仔,點會接受到自己頭髮不斷大幅度冇晒,近何況自己係一個美妝界嘅KOL呢?새벽一度沮喪,但個性堅強嘅佢最後決定積極面對,一次過將頭髮剃光。
KOL

KOL
面對每日都係咁甩頭髮,새벽決定索性剃光頭。

拍低作紀錄 於美妝平台分享

새벽將成個剃髮過程拍低晒,仲主動放上自己嘅平台同大家分享。喺片段中,새벽一開始都面露笑容,神情輕鬆;但到中段見到自己嘅頭髮逐漸剃光,最後都忍唔住喊咗出嚟,真係睇見都心酸呀~

KOL
網民見到呢一幕都覺得好心酸。

有男友守候 暖心安慰

好彩嘅係,새벽身邊有個男朋友對佢不離不棄,片段入面새벽決定將光頭嘅樣俾男朋友睇。새벽初頭坦言好驚,無辨法面對男朋友。

KOL
小編隔住個mon都覺得好sweet。

見到새벽除帽嘅一刻,男朋友即刻好sweet咁安慰佢:「好可愛!你是最可愛的!」仲攬住새벽錫佢一啖,心痛哽咽咁同佢講:「唔好再痛苦喇~」男朋友仲準備咗一頂白色帽送俾佢。

KOL
男朋友見到讚佢好可愛~

感動網民 表示難得

影片一出,大量網民好覺得好感動,仲話愛情最美好嘅模樣就係咁!能夠喺困難嘅時後對方都可以不離不棄,真係要好好珍惜~有個咁sweet嘅男朋友做backup,새벽一定可以好快痊癒,健健康康咁繼續拍片啦!
KOL

KOL
새벽一定要快啲好返呀!