【年度食材冠軍雞翼】雞翼外賣速遞 金粉雞翼+10款口味比你揀!
【年度食材冠軍雞翼】雞翼外賣速遞 金粉雞翼+10款口味比你揀!

【年度食材冠軍雞翼】雞翼外賣速遞 金粉雞翼+10款口味比你揀!

世界各地雞翼趣聞多,香港也不輸蝕,金粉雞翼你又試過未呢?最近一間網上雞翼專門店就搞搞新意思,創作出金粉雞翼,開業才半年,就有不少回頭客,更設外賣速遞服務,凡消費滿$200即可速遞上門,亦可致電預訂,於灣仔、西營盤Burger Joys外賣自取,即睇呢款雞翼究竟有幾犀利!

撰文:Tai 攝影:Issac

雞翼高票勝出!「我最喜愛食材選舉2019」冠軍

《 新假期 》早前舉辦了年度「 我最喜愛食材選舉2019 」,希望更了解香港人口味,當中有10款搜尋率最高的話題食材,供讀者投票,歷時2個月的投票,冠軍食材終於誕生,由雞翼以31,816當選,成為港人最喜歡食材之最!

雞翼外賣速遞 人氣金粉雞翼!

開網上雞翼專門店老闆 Jack,與3位合伙人,都是英美回流 , 很懷念外國的雞翼文化 ,早前就開了間只做雞翼速遞的網店,最近更加入新意,創作金粉雞翼,Jack坦言最初只為PMQ為期六星期的pop up活動打響招牌,誰不知反應很熱烈,雖然賣近$30/隻,不便宜,但很多公司party、慶功大食會,大家都喜歡柯打幾份,討個意頭,每月平均有400張訂單。

金雞$180/6隻、$320/12隻(須兩日前預訂)
望落去已經好金,全因在牛油rosemary醬汁內加入食用金粉,另附送小量金粉,食時可以再加色,用來做farewell小食,一定令同事們留下深刻印象。

直擊金雞翼育成

為了令雞翼保持外皮脆,肉香嫩,他們反覆試了很多次,才掌握油溫和時間的控制。為了解決問題,就要花多一點時間,先將雞翼低溫慢煮一小時,雖然工序多了,但做出來肉質嫩滑很多。而金粉雞翼就先將雞翼炸好,再用牛油將蒜頭、rosemary炒香,再加上食用金粉,推成帶有香草味的金粉汁,用來兜勻雞翼,Jack建議吃時可以再灑些少金粉,加強效果。

雞翼醃過夜,入爐猛火炸。
將蒜頭、rosemary 用牛油炒香,加入食用金粉兜勻。
隔渣後,將金粉牛油均勻塗在炸好的雞翼上。
臨食前,再撒上附放的小量金粉,令雞翼看起來更金更閃。

10款口味任你揀!

暫時店內有10款口味可供選擇,除了金粉雞翼,喜歡香口的可以選只加調味粉的乾身雞翼,好似cajun或帶香草的田園味等;愛濃味又不想太熱氣的,就可選醬汁雞翼,例如用勁辣辣椒醬做成的死神醬、甜甜地的黑芝麻蜂蜜海鮮醬等。

水牛城醬(上)、黑芝麻蜂蜜海鮮(中)、加州風味(下)每款$58/6隻,另包1款醬汁
全店共有10款口味雞翼,當中要數這3款最受歡迎:水牛雞翼香香辣辣、加州風味蒜香突出惹味,而黑芝麻蜂蜜海鮮就帶香甜蜜味,各有特色。
泰式甜辣醬
最為香港人熟悉的味道, 多甜少辣,非常大眾化。
死神醬
有點似Tabasco的辣味, 辣中帶酸,辣勁頗強。
燒烤味
乾身的燒烤調味粉, 入口酥香。
香檸胡椒 微酸微辣,很醒胃,很清新,食多幾隻也不膩。
田園風味
帶點點香草味道, 小朋友啱晒。
原味
脆卜卜,最食到雞翼本身的香料醃味。

 

Wingman HK
訂購網址:www.wingman.hk
電話:9607 5500
備註:暫時只能網上預訂,消費滿$200即可速遞上門,另可致電預訂,於灣仔、西營盤Burger Joys外賣自取。

相關文章:【我最喜愛食材選舉冠軍- 雞翼】10萬人投票 雞翼擊敗芝士 高票勝出!
相關文章:【我最喜愛食材選舉冠軍- 雞翼】雞翼價格升幅跑贏人工 升幅高達320%!
相關文章:【我最喜愛食材選舉冠軍- 雞翼】旺角$80任食雞翼放題!四款口味任選

關鍵詞
雞翼外賣

最新吃喝玩樂資訊