傳承傳統文化 油麻地天后誕活動逐個睇|香港好去處
傳承傳統文化 油麻地天后誕活動逐個睇|香港好去處

傳承傳統文化 油麻地天后誕活動逐個睇|香港好去處

相信好多人都知道早期香港都係以漁業為主,漁民同沿海鄉民都會膜拜天后娘娘,所以佢哋都會周圍建立好多天后廟以作供奉。而每年嘅農曆三月廿三,都會慶祝天后娘娘嘅誕辰。今年4月27日油麻地就將會舉行「油麻地天后誕」活動,到時都會有好多傳統活動:包括「敬蓋吉璽儀式」和重頭戲 —「花炮衝神儀式」,除此之外都會有多個攤位遊戲,大家都可以藉此認證傳統嘅廟宇文化同油麻地歷史!
撰文:PC | 圖片來源:東華三院網頁

天后誕「敬蓋吉璽儀式」

呢個傳統嘅儀式都會喺活動當日喺《天后誕捲軸》上蓋上「啟稟」、「風」、「調」、「雨」及「順」的印璽,寓意風調雨順,萬事如意。

天后誕
「敬蓋吉璽儀式」。

天后誕「花炮衝神儀式」
難得一見嘅「花炮衝神儀式」,都係由8人及3隻麒麟組成嘅衝花炮隊捧起近4米高嘅巨型花炮,衝向天后廟,以表示對天后娘娘嘅尊敬,儀式更加會配以鑼鼓喧天,以慶祝天后娘娘嘅誕辰。

天后誕
「花炮衝神儀式」。

天后誕其他活動

除咗呢兩個傳統活動,屆時天后廟附近都會有其他小活動:拉糖薑、麵粉公仔,仲有得食香港傳統小食!當然唔少得有粵劇同醒獅呢啲傳統表演啦!到時可以邊玩邊認識下天后廟同油麻地歷史呀!

天后誕
拉糖薑。
天后誕
麵粉公仔。
天后誕
舞獅表演。

「油麻地天后誕」

日期:4月27日
時間:上午10時至下午4時
地點:油麻地天后廟 九龍油麻地廟街眾坊街

最新吃喝玩樂資訊