如櫻花盛開到落下!日韓「嘗」櫻之旅
如櫻花盛開到落下!日韓「嘗」櫻之旅

如櫻花盛開到落下!日韓「嘗」櫻之旅

(Presented by 花月庭)

去過旅行賞櫻嘅你,都可能知道4月係櫻花盛開嘅時期,閉起雙眼你最掛念日韓嘅櫻花靚景,但眼睛張開身邊只係石屎森林?唔使灰心!就等我Dining娜帶你喺帝京酒店嘅花月庭,嚟一轉「味歷日韓嘗櫻之旅」自助晚餐!即開生蠔、香煎鴨肝及火焰波士頓龍蝦配海膽呢啲時令主打當然有,不過以下幾款趁住花季推出嘅日韓限時花季美食,就一定要睇吓我介紹喇!

第一站:韓式料理

要感受韓式料理,唔一定要辣嘅!花月庭新添置嘅韓燒區,就可以試到唔同嘅韓式滋味,食材包括安格斯牛肉、五花腩、牛油帆立貝串、魷魚鬚及金菇煙肉等,經特製醃醬同師傅親自即席燒烤,味道絕對有保証!

平時食個韓燒幾碟肉都幾百蚊,喺呢度任食之餘,仲唔使自己燒,絕對超值。
平時食個韓燒幾碟肉都幾百蚊,喺呢度任食之餘,仲唔使自己燒,絕對超值。

除咗韓燒,韓式人參雞湯都係必點韓式料理,因為健康又好味。嚴選嘅嫩滑春雞,釀入矜貴韓國人參同材料燉煮三小時,每一啖都係精華所在!

韓式人參雞湯喺冬天進食時可以驅寒暖胃,而夏天就可補充因過量流汗造成嘅體力損耗,營養十足。

第二站:日式料理

跟住要介紹嘅就係日式料理,刺身當然係必食item!就好似呢款即切油甘魚刺身,嚴選約一米長嘅日本原條油甘魚,重約五至七公斤,肉質入口爽脆彈牙,味道鮮甜!

刺身由師傅喺自助餐枱上即席切片,保証新鮮!

假如刺身唔啱你胃口,呢款鐵板岩漿鰻魚芝士飯就唔可以錯過啦!香甜鰻魚放喺熱辣辣嘅鐵板爐上,加入溶岩芝士蛋漿,令每啖飯都充滿蛋香同濃郁半溶芝士味。

識食一定係夾著鰻魚連飯一齊食,因為可以做到拉絲效果,好睇又好食。

第三站:賞花賞月嘗櫻花

係時候嚟到戲肉嘗櫻喇,先嚟一個西日fusion先!櫻花意大利飯配松葉蟹海苔湯,行政總廚嘅靈感源自日式茶漬飯,再加入西式意大利飯食材,一道菜式兩種風情,創意十足。

放湯前先煎封飯面,增加焦香脆口感覺,配上清甜無比嘅松葉蟹海苔湯,味道層次豐富。

一餐美滿嘅飯,又點可以冇咗甜品?以下呢3款櫻氣十足嘅甜品,有蛋糕又有甜脆包,以櫻花配搭抹茶同柚子等唔同食材,顏色鮮豔,絕對係相機食先之選!

宇治抹茶櫻花天使蛋糕(上) 櫻花味天使蛋糕中加悍宇治抹茶忌廉,花香及淳茶味並重,散發清淡嘅微甜。 柚子櫻花年輪蛋糕(左) 半月形嘅年輪蛋糕上唧滿櫻花柚子味忌廉,入口清香而綿滑,空氣感十足。 櫻花雪糕甜脆包(右) 新鮮熱辣嘅甜脆包,加入櫻花味雪糕,脆卜卜外層配上入面軟綿綿嘅雪糕,冰火交融,必食推介!

 

順便介紹多一款包含住滿滿沖繩味道嘅沖繩紅芋撻,當地出產嘅紅芋,甜度、香味及鬆軟度都非常高,鬆脆撻皮配上軟滑紅芋,絕對係perfect match!

牛油撻面上鋪滿芋泥整個,滋味同用料一樣飽滿!

 

味歷日韓嘗櫻之旅自助晚餐

供應時間:

「全時段自助晚餐」: 18:00-23:00

「第一時段自助晚餐」: 17:45-20:15

「第二時段自助晚餐」: 20:30-23:00

價錢:

成人$508起 小童$338起 長者$478起 *須另加一服務費

額外生日優惠:

由即日至2019年4月18日,凡於星期一至四惠顧每滿6位全時段自助晚餐,其中一位客人可免費享用自助晚餐並獲贈3/4磅指定精美生日蛋糕乙個。

生日優惠條款及細則:

– 優惠只限首50位客人

– 敬請於最少3天前訂座及出示生日證明方可享用優惠

– 免費優惠以最低價格之自助晚餐計算,優惠可與其他優惠同時使用

– 如有任何爭議,帝京酒店保留一切最終決定權

 

地址:

旺角太子道西193號帝京酒店2樓

訂座/查詢
2622 6154

最新吃喝玩樂資訊