上司
上司

10句上司乞人憎口頭禪 聽到呢句最好搵定工!|網絡熱話

熱話

廣告

好上司可以話係可遇不可求,遇到嘅話,恭喜你!但係大部分人返工都只會跟到「你覺得自己仲勁過佢」嘅上司,而上司經常花盡心思去「畀機會」打工仔或「教你做人」。有網民細數上司乞人憎嘅口頭禪,睇下有無邊句係你成日都聽到啦!

撰文:Pi、Evita|圖片:Pexels、TVB《愛回家之開心速遞》截圖|編輯:Evita

10句上司乞人憎口頭禪

1. 份糧包埋㗎

細個或者會認為職場係一個可以畀自己學習嘅地方,但係當踏入社會後,生活漸漸被工作磨滅,大家最想要嘅只係每個月準時出糧。打工仔認為自己將工作辦妥就夠,然而有好多上司覺得人工係包埋畀佢鬧、畀佢問候屋企人、做職責範圍以外嘅工作等等。

有好多上司覺得人工係包埋畀佢鬧、畀佢問候屋企人、做職責範圍以外嘅工作等等。(圖片來源:TVB《愛回家之開心速遞》截圖)
有好多上司覺得人工係包埋畀佢鬧、畀佢問候屋企人、做職責範圍以外嘅工作等等。(圖片來源:TVB《愛回家之開心速遞》截圖)

2. 幫我執執佢

係人都知聽到「執執佢」並唔係只係「執兩執」咁簡單啦,多數上司都係覺得份野唔掂,要你從頭再做過。仲有如果同佢講「已經做咗少少」基本上都係無用。只要你接手過一次,之後一直都係會搵你幫手,自己份嘢就會變成「你跟開」。

上司
唔係只係「執兩執」咁簡單啦,多數上司都係覺得份野唔掂,要你從頭再做過。(圖片來源:tv asahi《大叔的愛》截圖)

3. 唔識做問我

當你真係唔識做而問佢點做,佢就會話:「唔好咩都問,自己諗下點解決。」好啦,到小薯做錯嘢嘅時候就會話:「唔識做咩唔請教下人?」真係神又係佢鬼又係佢。

到小薯做錯嘢嘅時候就會話:「唔識做咩唔請教下人?」(圖片來源:東京電視台《下輩子再好好過》截圖)
到小薯做錯嘢嘅時候就會話:「唔識做咩唔請教下人?」(圖片來源:東京電視台《下輩子再好好過》截圖)

4. 急要

簡單啲嚟講就係叫你放低晒手頭上嘅嘢,專心做好佢突然叫你做嘅工作。所以多數OT走唔甩,但係要小心如果上司經常同你講「呢份真係好Ugrent」你就要自己衡量下係真定假喇!

簡單啲嚟講就係叫你放低晒手頭上嘅嘢,專心做好佢突然叫你做嘅工作。(圖片來源:日本電視台《校對女王》劇照)
簡單啲嚟講就係叫你放低晒手頭上嘅嘢,專心做好佢突然叫你做嘅工作。(圖片來源:日本電視台《校對女王》劇照)

5. 點解仲未有?

同第4點差唔多,上司好鍾意突然叫你停低手頭上工作,處理咗「急事」先,但係當你交Urgent嘢畀佢時,佢就會問你:「XXX做完未?點解仲未有?」喂!上司你唔係話做咗你份急嘢先嘅咩?

當你交Urgent嘢畀佢時,佢就會問你:「XXX做完未?點解仲未有?」(圖片來源:tvN《Start Up》劇照)
當你交Urgent嘢畀佢時,佢就會問你:「XXX做完未?點解仲未有?」(圖片來源:tvN《Start Up》劇照)

6. 公司唔係學校

「公司唔係學校,唔係個個咁好人肯慢慢教你」應該係好多初踏入職場嘅小薯最常聽到嘅說話。喺學校會有老師一步一步教你點做,但係喺公司就各有各忙,唔會有人願意花時間去教你兼體諒你㗎!

喺公司就各有各忙,唔會有人願意花時間去教你兼體諒你㗎!(圖片來源:tvN《未生》劇照)
喺公司就各有各忙,唔會有人願意花時間去教你兼體諒你㗎!(圖片來源:tvN《未生》劇照)

7. 你係嚟學嘢

通常都會出現係實習期間,聽起嚟好似好為你著想,其實只係想你依個廉價勞工幫佢做嘢,當然係唔係學到嘢只有你自己先最清楚啦。

聽起嚟好似好為你著想,其實只係想你依個廉價勞工幫佢做嘢。(圖片來源:TVB《愛回家之開心速遞》截圖)
聽起嚟好似好為你著想,其實只係想你依個廉價勞工幫佢做嘢。(圖片來源:TVB《愛回家之開心速遞》截圖)

8. 阻你兩分鐘

平時做緊嘢嗰陣上司係唔會「阻你兩分鐘」,但係往往放飯或者係收工之前先會阻阻你,而且兩分鐘並唔係真係兩分鐘咁簡單,可能會係兩個字甚至1-2個鐘。

往往放飯或者係收工之前先會阻阻你。(圖片來源:TVB《香港愛情故事》截圖)
往往放飯或者係收工之前先會阻阻你。(圖片來源:TVB《香港愛情故事》截圖)

9. 拍硬檔幫幫手

同你扮到好似好熟叫你幫手做工作範圍以外嘅嘢,當然你都可以拒絕,但係有網民表示,上司多數都會「動之以情」,指大家係一家人,互相幫忙係好事,咁你就中計了!

同你扮到好似好熟叫你幫手做工作範圍以外嘅嘢。(圖片來源:SBS《現正分手中》劇照)
同你扮到好似好熟叫你幫手做工作範圍以外嘅嘢。(圖片來源:SBS《現正分手中》劇照)

10. 死都同我死掂佢

基本上你聽到呢句都可以搵定工,呢個上司只係想拋個波去你度等你自己拆,而唔係同你一齊解決問題。

上司只係想拋個波去你度等你自己拆。(圖片來源:TVB《不懂撒嬌的女人》截圖)
上司只係想拋個波去你度等你自己拆。(圖片來源:TVB《不懂撒嬌的女人》截圖)

撰文:Pi、Evita|圖片:Pexels、TVB《愛回家之開心速遞》截圖|編輯:Evita