【復活節齊撐!】九龍灣小朋友話事孩子市集 創意環保小遊戲+手作@Miss Sunny
【復活節齊撐!】九龍灣小朋友話事孩子市集 創意環保小遊戲+手作@Miss Sunny

【復活節齊撐!】九龍灣小朋友話事孩子市集 創意環保小遊戲+手作@Miss Sunny

(Presented by Telford Plaza)

市集唔一定只係文青嘅主場,小朋友一樣可以話事!今個復活節(4月19日至22日)就有個充滿活力、創意嘅孩子市集喺九龍灣德福廣場進行。 最特別之處係,檔主們全部都係精力充沛又精靈嘅細路仔,到時有遊戲、有工作坊、亦有創意手作品買,賣嘅嘢一啲都唔小學雞!啱哂一班復活節無得出國旅行嘅家長帶埋屋企班細路去玩!就算無小朋友都可以去現場同班小檔主傾下計、支持佢哋~

由構思到製作完全由小朋友話事!

今次德福廣場同親子社企ohmykids舉辦嘅「孩子市集」﹐由策劃、流程、製作及一切即場難題都交由小朋友處理,家長都要企埋一邊!小朋友仲要以「升級再造」(Upcycling)為主題,動動腦筋如何把身邊「廢物」復活變成手作仔或小遊戲,真係少啲心機同創意都唔得!

孩子市集
以住的孩子市集都吸引了很多人去參加,好熱鬧!

創作力量同幻想會嚇你一跳!

市集每日會有10組小朋友開檔,攤位內容包羅萬有,當中會有小檔主會教你如何將舊T-shirt 變成購物袋;有攤檔賣以膠樽蓋升級而成嘅得意帽子髮夾;甚至有人會教你用廁紙筒製作一架「零排放」超級跑車,再同場battle,整完仲有得玩!個個都落足心思,大家絕對唔可以睇小細路仔嘅創意同執行能力!

每次舉行小朋友都玩得好開心,市集的氣氛都好好~
每次舉行小朋友都玩得好開心,市集的氣氛都好好~

5大精選攤檔

1. TigerLand

小檔主Tiger已經係第3次參加﹐由以前怕與陌生人說話,到宜家會主動去揾客人推銷自己嘅作品。今次佢就會為大家帶嚟「能量襟章」、「怪獸復活蛋」、「變變變小怪獸」同「能量瓶」,到底係咩嚟?Tiger話要賣吓關子先,叫大家到時嚟探佢!

Tiger已經是經驗豐富的小檔主,今次又有新搞作!

2. 凌柔小手大作

呢兩個得意妹妹就親手創作出唔同嘅小飾品,今次就以『樹』、『葉葉』、『花』和『環保』為主題,仲特登收集咗大量膠樽蓋去整帽子髮夾,咁有心思,一定要去幫襯啦。

兩位小檔主人仔細細已經識自己動手做小飾物!

3. 狂野時速

小檔主會教你用廁紙筒創作一架零排放超級跑車,完成後仲可以喺佢自製嘅賽道比賽!家長們記得預留多啲時間喺呢度啦~

呢位小檔主嘅手工好厲害!
整完車仔仲可以即場「鬥車」!

4. 童你玩

你無眼花!小檔主連彈珠機都DIY!玩嬴仲有獎品攞!

齊齊玩經典小遊戲贏獎品~

5. 一妍豬式會社

小朋友可以親手以絲印製作獨一無二環保袋!

快啲去製作靚靚絲印環保袋啦~

同場加映:「熊仔慈善領養計劃」、「雞蛋燈工作坊」

市集內另設有2個檔攤「熊仔慈善領養計劃」及「雞蛋燈工作坊」,將以往商場佈置物資循環再用!現場會有義工教導小朋友清潔屋企嘅毛公仔,完成後仲可以HK$100-300「領養」一隻熊啤啤。而「雞蛋燈工作坊」則有手工藝導師教授小朋友發揮創意,以拼貼方式重新打造一盞專屬嘅雞蛋燈,仲會教你點樣「照雞蛋」。兩個活動嘅收益連埋各位小檔主嘅一半收入,都會全數撥捐予國際培幼會,有得玩又有得做善事,千祈唔好錯過啦~

齊齊改造雞蛋燈,帶返屋企做佈置又得,放個新電燈膽入去用都得!
帶埋小朋友去清潔小熊,再領養佢哋返屋企啦!

德福廣場復活節「孩子市集」
日期:2019年4月19日至22日
時間:1pm-6pm
地點:德福廣場1期地下中央展場 (港鐵九龍灣站C出口)

最新吃喝玩樂資訊