拒絕思考、乜都批評!網民數出5大香港人缺點
拒絕思考、乜都批評!網民數出5大香港人缺點

拒絕思考、乜都批評!網民數出5大香港人缺點

一講香港人,你會諗到有咩優點同缺點呢?有好多人都話香港人最唔鍾意嘅人就係香港人自己,究竟事實係咪真係咁?對於香港而家嘅情況,近日有九十後嘅網民喺討論區大數香港人究竟有咩問題,大家一齊睇下自己中咗幾多個啦!
撰文:PC| 圖片:新假期資料室、網上圖片

香港人缺點一:拒絕思考 唔睇書

網民一開始就指出大部分香港人都好少睇書,就算睇都只係睇一啲關於日常生活或者花邊新聞嘅雜誌同書。行書店見到暢銷書榜,頭三位都係一啲、風水書或生活雜誌!從而大家對於其他知識,甚至國際局勢都咩都唔知。再者網民更指出相比其他亞洲國家,香港人甚少討論返香港嘅歷史,令到自己嘅身分認同都好低咁話!

香港人
大部分香港人甚少有閱讀嘅習慣。
香港人
睇得最多係旅遊書。

香港人缺點二:既自大又自卑 過分崇拜/反對外國事物

之後,有網民指香港人對其他國家事物嘅態度好極端,永遠都係非黑即白。例如一個人好鍾意韓國娛樂,就係咁踩香港樂壇,更引用已故黃家駒嘅一句說話:「香港冇樂壇,只有娛樂圈。」去終結討論;反之亦然,假設一個人唔鍾意韓國,就會話人哋「垃圾民族」,一句就抺殺晒人哋各方面的努力。同時香港人都對於自己嘅軟實力都自卑,香港人會覺得日本動漫好出色,但就完全忽略咗同樣一樣努力嘅香港藝術家。

香港人
家駒曾經講過:「香港冇樂壇,只有娛樂圈。」
「Terry」李偉健亦係一名本土漫畫家。
「Terry」李偉健亦係一名本土漫畫家。

香港人缺點三:太過挑剔 凡事都吹毛求疵

香港人好鍾意任何事稍有少少瑕疵都會批評?網民指出港人只要發現人哋唔跟自己一套做嘢就會反面,平時處事好mean又虛偽,彈人多過讚人。香港人唔團結,更延伸到政治上嘅問題,例如各個政黨派別都互相攻擊。正因為香港人嘅慣性批評,更加引致到大家都唔鍾意表達自己,變得被動。

香港人嘅慣性批評,真係唔係個個都頂得順。

缺點四:以錢為上 消費主義重

金融業為重嘅香港,好多時講嘢都會同錢有關。但就係呢個原因,令到好多香港人做好多事都只會圍繞住「錢」呢個字,無論係香港人平時睇嘅書或者網站,都係講消費為主,因為如果冇心消費,社會就會搵唔到錢。
香港人

缺點五:對社會冷漠 凡事都事不關己

基於上一個原因,樣樣事都為錢,搞到香港人都變得愈嚟愈冷漠。對住社會每件大大小小嘅事,都會擺出「多一事不如少一事」嘅心態,更有人會成日以「要返工,不了。」去推走自己應該關心嘅社會大小事,大家都只會專注喺搵錢同自身嘅事。所以香港人成日都俾人話係「政治冷感」。

香港人
香港人成日都俾人話係「政治冷感」。
香港人
社會好多事情,大家都會擺出「多一事不如少一事」嘅心態。

大量網民表示有同感

討論一出,引發好多網民都覺得好有同感,更有曾經喺外國生活過嘅網民指出回流返嚟都覺得香港變得太快,香港人再唔改善嘅話香港本土文化就會俾好多其他地方文化取代。

香港人
網民指出,如果再唔改變,香港本土文化就會被其他文化取代。

最新吃喝玩樂資訊