自助餐 紅磡 都會海逸酒店 生蠔 肉骨茶
自助餐 紅磡 都會海逸酒店 生蠔 肉骨茶

【自助餐我要】紅磡都會海逸酒店75折自助餐 任食生蠔+麵包蟹+肉骨茶

飲食

廣告

紅磡都會海逸酒店在4月推出檳城主題自助餐,全場共200款食物列成一行任揀,檳城主題食物有肉骨茶、蠔煎和馬來咖喱雞等,又有即開生蠔、蟹腳、肉眼扒、烤羊架、Häagen-Dazs 雪糕和多款甜品等,最平有75折優惠,即睇詳情!

記者:Joan 圖片:Tat

紅磡都會海逸酒店 75折自助餐

天氣換季轉熱,濕氣重,胃口也較差。紅磡都會海逸酒店就在4月推出檳城主題自助餐,用辛辣驅走悶氣。檳城美食多用香料炮製,甜、辣並重,能勾起食慾!自助餐桌長達約70米,全場共200款食物列成一行任揀,選擇好豐富。

上酒店eShop 預訂更有優惠,平日最低有75折優惠,就連復活節假期最低都有8折,好抵!

凍海鮮+即開生蠔

回本必吃的凍海鮮,一共6款,有長腳蟹、麵包蟹等,每晚還供應兩款即開生蠔,近來有Creamy的美國蠔和海味重的法國蠔,全部即叫即開,非常新鮮。

檳城主題:肉骨茶+廣島蠔蠔煎

檳城主題食物一共有10多款,包括港人大愛的肉骨茶、蠔煎和馬來咖喱雞等。不得不試馬來咖喱雞,雞肉預先醃好煎香,肉質格外嫩滑,配上椰味濃的微辣咖喱,惹味好吃。馬來做法多數配飯或油酥餅,師傅來個變奏版,改用麵粉、椰奶做成的班戟,班戟煎好後捲起,蘸咖喱汁吃也相當新奇!

肉骨茶也用了超過10款食材和藥材慢火炆成,包括當歸、排骨、蒜子和白胡椒和香料等,味道濃郁重藥材香,順喉不口渴。

即煎肉眼扒+鴨肝

還有即煎澳洲穀飼肉眼扒、匈牙利鴨肝和低溫烤羊扒等,再加即煮蟹皇粥,要大胃王先食得晒!

甜品:復活節得意糕點

甜品也不容錯過!招牌10款Häagen-Dazs雪糕不可少,還有復活節限定的得意糕點,杯子蛋糕、泡芙、慕絲蛋糕等加入兔仔、鴨仔公仔,造型精緻逗趣,打卡影相也一流!

 

【自助餐我要】紅磡都會海逸酒店75折自助餐 任食生蠔+麵包蟹+肉骨茶

【#自助餐我要】紅磡都會海逸酒店在4月推出檳城主題自助餐,全場共200款食物列成一行任揀,檳城主題食物有肉骨茶、蠔煎和馬來咖喱雞等,又有即開生蠔、蟹腳、肉眼扒、烤羊架、Häagen-Dazs雪糕和多款甜品等,最平有75折優惠,即睇詳情!詳情:weekendhk.com/918155================觀塘無限時任食雞煲+火鍋 送刺身+海鮮拼盤|自助餐放蛇起底組詳情:weekendhk.com/912513================KFC最新優惠券截圖即用!$69爆谷脆雞二人餐+早餐最平$12.5|飲食優惠詳情:weekendhk.com/803449================#新假期飲食 #紅磡 #自助餐 Harbour Plaza Metropolis 都會海逸酒店

Posted by 新假期周刊 on Thursday, 4 April 2019

Promenade西餐廳@都會海逸酒店
地址:九龍紅磡都會道7號都會海逸酒店7樓(顯示地圖)
電話:3160 6880
檳城美食薈萃自助晚餐

供應日期:即日起至4月30日 星期一至日6:30pm-10pm
價錢:
星期一至四 成人$598、小童$388
星期五至日、公眾假期及前夕(包括4月19日-22日) 成人$638、小童$418

備註:
1.經酒店eShop預訂座位,最低可享75折優惠。eShop: https://eshop.harbour-plaza.com/metropolis/zh-hant/

2. 4月份生日優惠:凡6位或以上惠顧自助晚餐,經酒店eShop預訂,可享75折至85折優惠(視乎用餐日期)及芒果拿破崙生日蛋糕乙個(1磅),每位客人均可無限添飲指定餐酒、啤酒、汽水及冰凍橙汁。
3.另收加一服務費
4.自助餐美食將不定期輪流推出

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..