盤點香港伏工8個特徵 網民:招聘網長期請人、日日有散水餅食
盤點香港伏工8個特徵 網民:招聘網長期請人、日日有散水餅食

盤點香港伏工8個特徵 網民:招聘網長期請人、日日有散水餅食

香港一直以來多伏工就街知巷聞,不過無親身經歷過,大家都好難判斷究竟有幾伏。近日,就有巴打係連登討論區帶頭講出「一人一個伏工的特徵」,為廣大香港打工仔盤點伏工8大特徵。

撰文:Pi|圖片來源:劇照|編輯:CC

8個伏工特徵

1.全公司無人做超過兩年

有網民表示有公司開咗十幾廿年,但全公司除了老闆外,沒有人做超過兩年,最資深的同事亦只做了年幾,所謂「核心員工」仍然可以被炒。

伏工 伏工

2.日日有散水餅食

這點相信不用解釋都會明,一間公司人員流轉過快,很明顯是公司內部一些長期未解決的問題存在,有可能是工作環境、同事鬥爭、工時過長,導致員工流水式辭職,自然日日都有散水餅食。

OLYMPUS DIGITAL CAMERA

3.辦公室氣氛低沈

一踏入辦公室所有同事志氣低落,雖然每個人都認真工作,但全部都像機械人般毫無生氣,返工返到失去自我和目標。

4.返工唔俾掂電話上網

雖然一間公司當然希望員工能夠全心全意咁工作,但係唔俾用電話又真係有啲過份。如果咁啱屋企火燭又或者有咩急事,係咪個老細賠償所有損失先?諗得出要人唔好掂電話果位仁兄,我都唔知要俾個嬲定俾個哈哈笑佢。

 

5.放工無同事走

就算你準時走,第二日都會有說話聽,或者會用壓力去令你唔敢走,例如其他同事仲做緊野等。

6.公司宣揚「一家人」宗旨

口裡講大家係「一家人」,要有「家文化」等,但其實入面辦公室政治最勁。

7.招聘網長期請人

一年365日在招聘網站上長期見到該公司請人,而且每個部門都有,證明公司人員流少量高,不過新公司就例外計。

8.高層、直屬上司全部都是皇親國戚

公司入面個個都係有親戚關係,不論你OT時間再多,都無緣升上更高職位。

最新吃喝玩樂資訊