KFC 炸雞 食法
KFC 炸雞 食法

日本KFC官方炸雞食法!點拆骨+邊度最滑一文睇晒|網絡熱話

飲食

廣告

KFC我們就食得多,但原來食法都有竅門!早前日本KFC官方公布正確食雞方法,總共5個部位,由雞胸肉、雞上脾、雞翼等全部都有教學,快點學識做個食雞達人啦!

撰文:Sakura、素岐 攝影:日本KFC、香港KFC

日本KFC官方教路 正確食炸雞方法

早前日本KFC官方分別於TwitterFacebook,公布正確炸食雞方法,而且講解得非常詳細,即刻引起熱話,網民都表示好有用!內容主要介紹炸雞的5個部位如何拆骨,分別有雞胸肉、雞翼、雞上脾、雞脾和雞肋骨,令大家不會浪費雞肉之餘,又可食得更方便。

1.雞胸

雞胸啖啖肉,肉質肥美,胸肉有三條小骨,可先撕開雞皮,拔出左右兩邊的小骨,然後再拔走中間的的小骨,就完美地食到啖啖肉。

2.雞翼

雞翼肉不多,但勝在脂肪比例高,食落味道濃郁惹味。首先將雞中翼與雞翼尖之間向內屈分開,然後就很方便拔出雞中翼的兩條骨。

3.雞上髀

雞上髀肉質最嫩滑,食落有口感,而且拆骨最簡單!只要用力按著突出的大腿骨扯出來即可,就會整件雞都是肉。

4.雞髀肉

雞髀肉質最嫩滑,含豐富鐵質,最啱小朋友食。雞脾肉最方便,拿著雞脾骨就可食用,不過如果想食軟骨,只要按著雞脾骨扭開,就可以食到軟骨啦!

5.雞肋骨

雞肋骨主要細嚐肋骨的雞汁,惹味十足,只要雙手向外按著肋骨就可以輕易拔出肉啦!

同場加映!

香港KFC爆谷炸雞

香港KFC最近新出爆谷炸雞,外脆內嫩的炸雞,表層撒上脆卜卜的爆谷碎,口感豐富,雞肉肉質也不會過韌,不過略嫌口感太粉。想味道更甜,進食前更可按自己喜好加添焦糖風味醬。

KFC焦糖爆谷雪糕

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

關鍵詞
KFC炸雞