港鐵
港鐵

港鐵暈低要坐輪椅搭𨋢!網民鬧爆:𨋢內無人肯讓位 個個冇血性!|網絡熱話

熱話

廣告

如果扶手梯太遠,坐港鐵落車的你係咪都會揀搭𨋢?有連登網民喺討論區發文,指家人喺港鐵不適暈倒,職員推輪椅送家人上去,進入升降機時無人肯讓位,鬧爆𨋢入面嘅人無血性。

撰文:Evita | 圖片:連登討論區、港鐵官方網站、劇照、pexels

家人暈低!港鐵𨋢內無人肯讓位

日前有網民以「你哋班X樣係咪已經冇哂血性?」為題,指坐港鐵返工時屋企人因為血糖問題喺地鐵暈倒。網民通知職員後,職員幫手推輛椅上去,打算叫救護車。

港鐵職員幫手推輛椅上去,打算叫救護車。(圖片來源:Ivan Samkov@Pexels)
港鐵職員幫手推輛椅上去,打算叫救護車。(圖片來源:Ivan Samkov@Pexels)

不過網民就話部𨋢到咗之後,職員叫入面嘅人出一出嚟讓畀病人入先,點知入面所有人都無動於衷。

升降機其實係有需要人士優先使用。(圖片來源:港鐵)
升降機其實係有需要人士優先使用。(圖片來源:港鐵網站截圖)

網民憶述當時𨋢入面嘅情況:

「有啲就玩手機,有啲就傾計,最令我心寒嘅係有幾個人木口木面咁望住坐喺輪椅的病人。」

如果遇到一定要用升降機嘅人,你又讓唔讓呢?(圖片來源:港鐵)
如果遇到一定要用升降機嘅人,你又讓唔讓呢?(圖片來源:港鐵網站截圖)

網民就話嗰一刻忍唔到,指住班人鬧佢哋無血性,先有幾個人願意走出嚟。不過騰空嘅空位只夠輪椅同職員入,而自己就要跑扶手電梯去匯合屋企人。網民表示呢啲自私行為令佢覺得好心寒,亦叫大家好好反省。

指住班人鬧佢哋無血性,先有幾個人願意走出嚟。(圖片來源:電影《淪落人》劇照,非當事人)
指住班人鬧佢哋無血性,先有幾個人願意走出嚟。(圖片來源:電影《淪落人》劇照,非當事人)

 

網民:香港人就係咁!

有人就留言「香港人本性就係咁」,更有人表示「趕住返工,畀人炒咗係咪樓主幫佢供樓」反駁樓主。

香港人個個趕住返工,唔讓都唔出奇。(圖片來源:LIHKG討論區)
香港人個個趕住返工,唔讓都唔出奇。(圖片來源:LIHKG討論區)
有人認為樓主大驚小怪,血糖低都要搶住佳𨋢。(圖片來源:LIHKG討論區)
有人認為樓主大驚小怪,血糖低都要搶住佳𨋢。(圖片來源:LIHKG討論區)
亦有人覺得香港人某程度上仲差過大陸人。(圖片來源:LIHKG討論區)
亦有人覺得香港人某程度上仲差過大陸人。(圖片來源:LIHKG討論區)

撰文:Evita | 圖片:連登討論區港鐵官方網站、劇照