不滿巴士無位坐  內地大媽大鬧深圳灣 鬧爆職員:「你們是土匪!」
不滿巴士無位坐  內地大媽大鬧深圳灣 鬧爆職員:「你們是土匪!」

不滿巴士無位坐 內地大媽大鬧深圳灣 鬧爆職員:「你們是土匪!」

香港人多就係人都知,好多時出街搭車搭港鐵都會遇到無位坐嘅情況,而日前車長群組就傳出一條影片,指一名操普通話嘅女乘客疑因畀錢後發現無位坐而要求退款,隨即同在場人士對罵。

撰文:Evita | 圖片:巴士台 HK Bus Channel

內地大媽不滿巴士無位坐鬧爆職員

日前(31/3) 巴士台Facebook專頁上傳一條影片,片中見到一名操流利普通話嘅女人與拍片者以及在場人士發生口角。而專頁就指該名女乘客畀錢登上B3X巴士後,發現車上已經無晒座位,要求落車同退錢。

大媽

女乘客落車後,向巴士公司職員投訴,指職員無喺佢上車前告知已經無座位。期間有其他車長同職員加入對話,話車上仲有企位,不過雙方態度僵持,片中見到女乘客亦手持電話,疑拍低情況。

對罵期間,女乘客大鬧:「你們是土匪」,之後有人亦大嗌:「係啊!土匪雞翼啊!」最後由巴士職員送女乘客上車,女乘客仍不忘舉起手指公:「好厲害!」

城巴就話現正了解片段所描述嘅事件,更強調唔會因為座位已滿而退款。

影片至今已獲得2百幾個網民留言回應,有人就話「大陸人只會喺香港發難」、更有人笑言「佢無要巴士公司升佢上商務/頭等?」

最新吃喝玩樂資訊