趣怪得嚟又有創意!2019年6大愚人節搞作
趣怪得嚟又有創意!2019年6大愚人節搞作

趣怪得嚟又有創意!2019年6大愚人節搞作

愚人節 快樂!每年4月1日都係專整蠱人或被整蠱嘅愚人節,各大公司亦會趁呢日搞搞新意思,例如推出惡搞片段或得意產品,今次就同大家數吓2019年各大搞鬼嘢啦!

撰文:Evita | 圖片:YouTube、香港消防處Facebook

2019年6大愚人節搞作

1|Google

每逢大時大節總有新搞作嘅Google,今日(1/4)都唔例外,喺Google Map推出經典遊戲「貪食蛇」。大家只要打開Google Map 手機App嘅選單按鈕,就會見到開始玩「貪食蛇」, 㩒落去有得選擇各大城市,例如東京、倫敦,就連全世界都有得揀。

愚人節
按下左上角選項,就見到開始玩「貪食蛇」按鈕

大家只需要控制鐵路接載畫面上出面嘅人或名勝就能夠得分

遊戲將會為期一星期,如果無裝Google Map App,大家都可以按 此網址 玩網頁版貪食蛇。

除咗「貪食蛇」外,Google更推出螢幕清潔器,只要發現屏幕有指紋同污垢,就會有隻小精靈出現透過微震動清洗螢幕。

2 |日本迪士尼

如果你係 Marvel 粉絲,都知道一班英雄喺《復仇者聯盟3》入面化成灰燼,未知Marvel隊長同蟻俠會點樣拯救各位,但係可以「確認」嘅係,米奇老鼠都會加入復仇者聯盟,現時積極展開訓練。

有人發現米奇喺荷里活展開訓練,主要鍛鍊上半身肌肉

米奇同Marvel隊長一樣識發光,未知其實力係點,佢又會用咩方法對抗魁隆呢?

3|Sony PlayStation

遊戲公司Sony PlayStation亞洲區亦發布愚人節活動「PlayStation紀念鎖匙扣合集」,主要將歷代PS主機 PS/PS2/PS3/PS4 打造成1比1鎖匙扣,大家可以隨時隨地拎住出街啦!

不論外型、材料、功能同重量都係神還原

拎住咁大嚿嘢,應該都幾難開門

4 |多啦A夢

有網絡書店喺愚人節前將多啦A夢法寶上架,包括隨意門、縮小燈、翻譯蒟蒻同學生最愛嘅記憶麵包。而上市日期為4月1日。

隨意門售價為$21,120,903,其實係多啦A夢嘅生日日期

不過當按購買時,就會彈出一句「此商品目前無法開放訂購,感謝您的支持,搏君一笑解千愁!祝您愚人節快樂!」

5 |日清

日清官方周邊產品網店推出一款耳機,由兩個杯麵作為耳罩,更話係採用大型優質紅色記憶泡沫耳墊、擴展頭帶等用料,可提供拉絲麵條柔滑的柔軟呵護。

麥克風利用外型同叉一模一樣,喺產品介紹欄指「可以取消所有基於啜食的混響,同時仍然提供清晰的通信」,姐係大家一邊打機一邊食嘢都唔怕嘈到對方。

可能產品實在太創新又搞笑,所以官網已經寫住「賣光了」,各位粉絲不妨期待下年愚人節日清又有咩得意產品。

6|任何仁

突然彈起嘅消防處吉祥物任何仁都有愚人節搞作,一踏入4月1日凌晨,香港消防處Facebook就發布一張「任何仁四月天演唱會」海報,仲寫明「有今生無來世,絕不加場」。

專頁仲叫網民Click入連結,㩒入去原來係一條「任何仁四月天演唱會」短片,片中見到3位任何仁模仿《少林足球》情節,更將經典歌曲改編。

原曲歌詞係「我係鐵頭功」,任何仁改編成「我用滅火筒」

最後祝大家愚人節快樂
《少林足球》劇照
《少林足球》劇照
《少林足球》劇照

各大公司同機構為愚人節紋盡腦汁,都係想博大家一笑姐,唔知你哋又最鍾意邊份愚人節禮物呢?

最新吃喝玩樂資訊