【全港必吃粵菜】百年懷舊菜蛇王芬 承傳創新手工菜+時令足料燉湯
【全港必吃粵菜】百年懷舊菜蛇王芬 承傳創新手工菜+時令足料燉湯

【全港必吃粵菜】百年懷舊菜蛇王芬 承傳創新手工菜+時令足料燉湯

「蛇王芬」由太爺喺1895年開始,以賣蛇起家創立至今,已經嚟到第4代,喺飲食界得獎無數,更加獲得旅遊發展局頒發嘅「美食之最大賞」金獎,所以除咗本地棒場客,亦有唔少遊客慕名而來。為咗與時並進,菜式除咗以蛇入饌,仲創新咗唔少滋補養生菜式同燉湯,而且第4代掌舵人Gigi更將就快失傳嘅懷舊手工菜加以包裝重新推出,令食客尋找那些年嘅粵菜滋味。

必飲養生滋補燉湯

蛇王芬招牌懷舊菜除咗自有家製鴛鴦潤腸、八寶鴨、煎釀鯪魚、大蝦蒜香荷葉籠仔飯、酸薑麵豉醬魚雲煲、缽仔焗魚腸、琵琶豆腐、酥炸生蠔、古嚕豉蘇梅醬蒸五花腩、金銀蛋扒枸杞葉等數之不盡嘅小菜之外,鎮店之寶仲有太史五蛇羹、出名夠晒火喉又足料嘅時令燉湯:按氣候時節,每日都有12款以上選擇,每日新鮮燉足3小時而成,並加入藥膳功能,無論係上班族定小朋友,都可以飲返盅時令燉湯,滋補養生,調理身體。

八寶鴨 $580 *需要一天前預訂用咗重2斤嘅米鴨,拆骨後,師傅釀入北菇、筍粒、栗子、馬蹄粒、薏米、百合、蓮子、金華火腿粒等材料,慢火燜足3小時,一切開鴨身已聞到香氣撲鼻,充分表現廣東菜精粹。
生菜膶腸乳鴿鬆 $350 *需要一天前預訂粵菜新食法,招牌必食膶腸切成粒,加埋乳鴿肉、百合、蓮子等香炒成餡料,用生菜夾住入口,唔會太膩又啖啖滿足。
蛇肉密瓜盅 $430 *需要一天前預訂春夏必飲嘅老火燉湯,以原個澳洲密瓜,加入了蛇肉、蟹肉、冬菇同薏米燉成,香濃密瓜鮮味,滋味又飽滿。

最新吃喝玩樂資訊