上水驚見拖篋客蚊帳紮營 網民:國際之都的淪陷
上水驚見拖篋客蚊帳紮營 網民:國際之都的淪陷

上水驚見拖篋客蚊帳紮營 網民:國際之都的淪陷

網民昨晚於Facebook群組「上水人上水事」中分享數張照片,照片可見上水街頭出現「蚊帳紮營」,蚊帳內有齊被鋪、枕頭、各種衣服、一個黑色行李箱等,雖未能確認身份但疑似遊客所為。這樣「席地紮營而睡」的行為亦觸動了港網民神經,紛紛嘆「香港大倒退,連三流城市都唔會見到呢一幕」。
撰文:GW|圖片:上水人上水事

疑似遊客以蚊帳紮營

貼文指一名男子在上水馬會道及龍琛路交界,在路中心以透明蚊帳作為其「睡房」,蚊帳內一應俱全,這種行為簡直旁若無人,路人經過也注視而看。

蚊帳紮營
上水街頭驚見蚊帳紮營

網民亦指該名男子十分識揀位置,就在便利店旁邊,過條馬路就有公廁。蚊帳透明十分通風,唔怕空氣差。

蚊帳紮營
蚊帳就在便利店旁

可見「房間」內一應俱全,連位置、床鋪大小都剛剛好,似乎是有備而來。網民亦嘆「香港真係變咗,無得救了,三流城市都唔會見到咁嘅情況」,「上水拖篋客問題越來越嚴重」。

蚊帳紮營
男子就直接躺在裡面

隨後警方發現蚊帳後上前勸喻,該露宿男子不久後便收拾離開,Po文者其後返回現場已不見該蚊帳及行李。

蚊帳紮營
警察到場勸喻

網民留言

事件被廣傳後,網民紛紛留言「食環又去咗邊樹抖涼」、「阻街是犯法的,應該要畀告票」,亦有網友以開玩笑方式嘲諷這種狀況「打開蚊帳打開蚊帳,有條友有條友」、「蚊帳客」等等。不過再次提醒大家,隨便路上紮營這種行為是違法的,切勿模仿。

上水居民怨氣重

網友話「上水拖篋客問題越來越嚴重」,其實呢句都唔係無根據,就好似以下呢件事咁;

水貨客大街執貨紙皮、膠袋散落一地

水貨客大行其道,逼爆香港之餘又引發唔少中港矛盾,早前有網民喺Facebook「North District 北區」發布一張相,相入面路牌寫住「新榮街」,地點理應係上水。相中見到一班疑似內地客喺連鎖零售店門口排隊,亦有人踎低執袋執行李箱,產品包裝盒同膠袋散落一地。

網民鬧爆相中人係「自私垃圾精」

隨即引起唔少網民留言鬧爆水貨客同食環署唔做嘢。

買嘢唔係問題,但係掉到一地垃圾就有問題喇!影響市容之餘又增加清潔工人嘅工作量,所以做人真係唔好咁自私!

其實除咗上水,香港仲有好多地方已經被水貨客「攻陷」,就好似今年新年時,內地就有網站推出「香港辦年貨攻略」,推介內地同胞到港掃貨,內有詳細嘅行程、折扣優惠、交通提示。

最多人去嘅上水固然之會失守,但係原來中環國際金融中心(IFC)、沙田新城市廣場、連城廣場、銅鑼灣祟光百貨都受到內地客熱捧。有網民喺「百度貼吧」出post激讚IFC:「買的、吃的、看的一應俱全,無論你想入手甚麼年貨,IFC mall都應滿足你在香港的購物慾。」睇嚟今年中環上班族要應付陸客喇。

有內地網民亦喺內地網站撰寫詳細「香港年貨哪裡掃?」教學,裡面有列出六大重點,主要係教大家到沙田新城市廣場一站式購物,買傳統糖果、乾果就要到上水、元朗同屯門、就連上環海味街都係其中一個必到景點!

交通教學都非常詳盡,陸客真係唔怕唔識去

有內地旅行社推出5日4夜旅行團,每人盛惠3,125人民幣。旅行團行程主要包括全日迪士尼,黃大仙祠祈福、食米之蓮推薦晚餐,重點行程係去 辦年貨

唔單止咁,微信亦都整合出「香港春節購物優惠」,只要輸入相關字眼,系統就會回覆一連串優惠券同購物資訊。

眾多內地旅行團將會嚟香港,加上港珠澳大橋開通,內地人訪港就更加方便,各位港人不妨考慮去旅行或到較少人嘅地方吧!

最新吃喝玩樂資訊