美國太空總署
美國太空總署

瞓喺床就有錢收 美國太空總署15萬元聘研究人員

熱話

廣告

打工仔日做夜做,最大嘅願望應該係可以瞓足一日。機會話嚟就嚟,美國太空總署(NASA)現正招募研究人員,薪金達14.9萬港幣,咩工咁筍先?

撰文:Evita | 圖片:ESA、劇照 | 資料來源:美國太空總署

美國太空總署15萬元聘研究人員

由於太空人喺太空度過長時間,肌肉要承受極之大代價,今次研究就係為咗評估長時間飛航對健康嘅影響。

NASA正喺德國科隆招募24位研究人員,參與者需要喺床上瞓足60日,不過都唔係咁簡單,床鋪會傾斜6度,頭部向下,令到參加者腳高過頭,減少血液流向四肢,諗起都痺啊!

不過長期無血就緊係唔得啦,參與者間唔中會被安排去實驗室嘅離心機,離心機嘅旋轉臂會將血液推到腳部,從而模擬重力嘅影響。

對於呢個睇落容易但其實困難嘅研究,團隊會支付每個參與者$19,000美金(約14.9萬港幣)。雖則瞓60日就有十幾萬袋落袋,但係60日都唔畀㩒手機、睇電視、睇書等休閒活動,唔知又有幾多人可以接受到呢?