【全港必吃自助餐】8度海逸酒店味遊國際海鮮自助晚餐+皇牌芒果下午茶 @Dining娜
【全港必吃自助餐】8度海逸酒店味遊國際海鮮自助晚餐+皇牌芒果下午茶 @Dining娜

【全港必吃自助餐】8度海逸酒店味遊國際海鮮自助晚餐+皇牌芒果下午茶 @Dining娜

8度海逸酒店定期推出不同特色主題嘅自助餐美食,行政總廚經常從世界各地搜羅最新鮮熱辣嘅流行菜式同特別食材,精心設計有驚喜嘅環球國際菜式。4月新推嘅「味遊國際海鮮自助晚餐」就用咗高質素海鮮做主題,配合功架十足嘅烹調手法,炮製多款有創意、又有地道特色嘅驚喜菜式。加上令人難以抗拒嘅香甜呂宋芒製成「皇牌芒果下午茶」,單係得獎名作芒果拿破崙已經食唔停口,配合池畔廊同花園茶座嘅優雅景色,夠晒心花怒放!

即開生蠔、龍蝦蟹腳、黑松露汁伴香煎鵝肝,無限量供應

8度海逸酒店食物質素一向有保證,全因行政總廚從各方搜羅靚料食材,無論冷盤熱葷,日式壽司或甜品,每款經過精心設計同烹調。最新加推咗即場燒烤區,無限量供應多款日式烤海鮮,包括大蝦、串燒螺肉、三文魚及冰島龍脷等,惹味到極!仲有甜品控一定唔能夠錯過嘅精緻甜點,好似有燕窩梳乎厘、玫瑰蛋白蛋糕、薰衣草芝士餅、櫻花芝士慕絲脆餅、Häagen-Dazs雪糕同即製窩夫等,即時令人心心眼呀!

 

8度海逸酒店
選海鮮冷盤@味遊國際海鮮自助晚餐:即開愛爾蘭、法國及美國生蠔、美國波士頓龍蝦、皇后蟹腳同青口等,每日無限量供應,必食回本推介!
8度海逸酒店
軟殼蟹壽司@味遊國際海鮮自助晚餐:壽司區由駐場日式師傅每晚即製多款鮮甜刺身及壽司,軟殼蟹壽司外脆鬆化,一定要列入添食名單!
8度海逸酒店
泰式辣椒膏炒花甲@味遊國際海鮮自助晚餐:點少得香港人最喜歡嘅東南亞特色菜,泰式美食亦榜上有名!用地道泰式辣椒膏炒成嘅大大隻花甲,鮮味更出更香口醒胃!
8度海逸酒店
意式白酒煮藍青口@味遊國際海鮮自助晚餐:海鮮熱食就有藍青口選擇,特別用咗白酒將青口鮮味完全提昇,更帶有淡淡酒香。
8度海逸酒店
甜品系列@味遊國際海鮮自助晚餐:自助餐其中一重點當然係食盡不同款式甜品啦!坊間少有嘅燕窩梳乎厘,夠晒矜貴而且製作考功夫,仲有同樣吸引嘅玫瑰蛋白蛋糕、薰衣草芝士餅同櫻花芝士慕絲脆餅,令人食唔停口呀!
8度海逸酒店
皇牌芒果下午茶:為咗慶祝酒店開業十周年,總廚嚴選超甜多汁嘅菲律賓呂宋芒,製成三層架「皇牌芒果下午茶」,備有十款精緻鹹甜美點,仲可以喺2樓池畔廓同花園茶座歎住靚景品嘗添!
8度海逸酒店
芒果拿破崙@皇牌芒果下午茶:得獎甜品芒果拿破崙有唔少人慕名而來品嘗,每一層都鬆化香脆,夾著秘製香滑吉士忌廉,連埋超甜芒果肉入口,夠晒滿足呀!
8度海逸酒店
香芒雪梅娘、芒果朱古力慕絲餅@皇牌芒果下午茶:以呂宋芒配搭其他食材,具特色又有創意,每一口都超多芒果汁,充滿果香,盡顯總廚心思。

「味遊國際海鮮自助晚餐」

日期:4月1日至6月30日

時間:6pm-9:30pm

價錢:

星期一至四

星期五、六及公眾假期

成人

$478

$508

長者

$408

$458

小童

$338

$388

*於酒店eShop預訂享8折優惠

*以上所有價目需另收加一服務費

*價格不適用於指定日期

*長者價目適用於65歲或以上;小童價目適用於6-11歲

「皇牌芒果下午茶」

日期:4月1日至12月31日

時間:3pm-5pm

價錢:每位$168

*於酒店eShop預訂可享高達65折優惠

8度海逸酒店

地址:土瓜灣九龍城道199號

電話:2126 1960

最新吃喝玩樂資訊