超市 零食 7-11 OREO 榴槤
超市 零食 7-11 OREO 榴槤

超市4月話題零食20款!卡樂B最近限定口味+一口榴槤糯米飯+芫荽杯麵|超市買呢啲

飲食

廣告

又到4月的「超市買呢啲」,記者今次就為大家搜羅了20款人氣零食,其中芫荽檸檬拉麵、和牛肉丸、Oreo朱古力杏仁等,即由記者逐一介紹!

撰文:Sakura 攝影:Tony

20款超巿零食推介

1.阿部幸 柚子胡椒味柿之種

杮之種是日本米果之一,為日本傳統零食,粒粒外型像杮的種子。這款柚子胡椒味,咬落脆口,有柚子的清香,食落胡椒味比較濃,佐酒一流!

銷售點:優品360

2.阿部幸 咖喱味柿之種

另一款咖喱味道較特別,一打開就有濃郁咖喱香,食落有點像日式咖喱,不會太辣,反而香料味多,香脆可口!

銷售點:優品360

3.阿部幸 芥末味柿之種

喜歡吃芥末味的一定要試!一打開就有刺鼻的芥末香,米果脆身,芥末味濃,食落辣辣地,鹹香惹味!

銷售點:優品360

4.味覺糖 積木造型果汁橡皮糖

賣相吸引!以積木造型的軟糖,可自由組合形狀,當中包括4種果汁口味,士多啤梨、提子、青提及檸檬,食落煙韌,帶果汁味,又玩得又食得!

銷售點:7-11

5. Monjiro和牛肉丸

記者推薦!選用澳洲和牛製成的肉丸,一盒有8粒,咬落爽口彈牙,牛味濃郁,一咬落勁多肉汁,勁juicy!用來打邊爐或做湯麵配料一流!

銷售點:HKTV Mall

5.Peyoung芫荽檸檬拉麵

芫荽控必試!內附檸檬雞湯包和芫荽調味包,打開雞湯包已散發陣陣檸檬香味,再加芫荽調味包,勁濃芫荽香味!食落味道不錯,麵身爽口,檸檬清香和莞荽好夾,湯底清甜。

銷售點:優品360

7.Tom’s Farm 曲奇忌廉朱古力杏仁

記者推薦!杏仁勁脆口,入口好濃oreo味,少許奶香味,但又不會過甜,會愈食愈開胃!

銷售點:優品360

8.Tom’a Farm 提拉米蘇朱古力杏仁

杏仁脆身,灑上濃郁的可可粉,有少許提拉米蘇味,但咖啡味會更突出,好香咖啡朱古力味,味道香醇。

銷售點:優品360

9. Durian BB 貓山王爆谷

相信喜歡吃榴槤,都會聽過榴槤BB,今次他們與優品360合作,推出一系列榴槤零食,其中有不少以貓山王製成,相當吸引,其中貓山王爆谷,打開就聞到好香榴槤味,爆谷脆口,食落榴槤味不會太濃,味道剛好。

銷售點:優品360

備註:榴槤BB系列會於8/4-10/4才開始發售

10. Durian BB 榴槤威化餅

另一款榴槤威化餅,夾著一層薄薄的榴槤cream,咬落鬆化,富榴槤香味。

銷售點:優品360

備註:榴槤BB系列會於8/4-10/4才開始發售

11. Durian BB 貓山王榴槤蛋卷

蛋卷選用馬來西亞貓山王製,一盒有2大包,合共12條,入口鬆脆,食落榴槤味好香,蛋香味濃。

銷售點:優品360

備註:榴槤BB系列會於8/4-10/4才開始發售

12. Durian BB 貓山王榴槤脆脆

榴槤脆脆比較硬身,入口香脆,帶少許榴槤味,味道相對較甜。

銷售點:優品360

備註:榴槤BB系列會於8/4-10/4才開始發售

13. 韓國Melona蜜瓜味唧唧冰

韓國品牌Binggrae推出Melona系列新產品,蜜瓜味唧唧冰配上Melona雪條造型,唧出來即可食用,非常方便,蜜瓜味清甜,有點像沙冰的口感,夏天食就最佳選擇!

銷售點:7-11

14. The Flavor 凍乾芒果糯米飯

勁得意!「凍乾」意思,即是抽乾了水份的芒果糯米飯。迷你飯造型,食落有少許芒果味,椰香味極濃,食落偏甜,爽口脆身。

15. TheFlavor 凍乾榴槤糯米飯味

另一款是榴槤糯米飯,打開椰香味偏濃,味道偏甜,食落有少許榴槤味,口感幾得意!

銷售點:優品360

16. 童星點心麵 松阪牛扒味

童星點心麵新出限定松阪牛扒味,打開有好香燒烤味,食落脆口,牛扒味都好濃,記者建議一次可放多啲入口,口感會更豐富。

銷售點:7-11

17. 樂天 慕斯櫻花士多啤梨夾心朱古力

朱古力味香醇,有濃郁士多啤梨味,夾心朱古力有流心的口感,甜而不膩。

銷售點:7-11

18.卡樂B 釜揚薯片北海道帆立貝醬油味

卡樂B釜揚薯片推出一系列海鮮味薯片,其中北海道帆立貝醬油味,打開有一陣醬油味,食落薯片香脆,最初醬油味比較重,之後散發陣陣牛油香,美味。

銷售點:Okashi Galleria x Calbee+ 灣仔分店

19. 卡樂B 釜揚薯片大阪燒螃蟹味

聞落有海鮮味,食落有點像蟹味,但不夠突出,不過沒有海鮮腥味,薯片非常香脆,鹹香惹味。

銷售點:Okashi Galleria x Calbee+ 灣仔店

20.卡樂B 釜揚薯片廣島蠔醬油味

薯片香脆可口,食落醬油味較突出,吃罷蠔味會慢慢散發出來,味道不錯!

銷售點:Okashi Galleria x Calbee+ 灣仔店

21.卡樂B 葡汁味薯條禮盒裝

記者推薦!食落好像葡汁飯味,葡汁味慢慢擴散,感覺好得意,薯條香脆,惹味十足!

銷售點:Okashi Galleria x Calbee+ 灣仔分店

 

香港18區美食有甚麼推介?

新假期編輯已經為你整合了香港18區美食指,其中包括尖沙咀、旺角、銅鑼灣等……即睇更多詳情。

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..