試食
試食

免費試食係必需?店主拒提供免費餃子被西客鬧爆|飲食熱話

飲食熱話

廣告

免費試堂、試玩同試食,好多時我地試咗先,覺得適合先至入手。但有網民發文分享遇到西客嘅遭遇,客人連番窮追猛打,要求免費試食,最重要係,小店係網購,都有客人想要試食,睇到網民嬲爆!

撰文:Evita |圖片:新傳媒資料庫、爆怨公社

台灣餃子女店主 分享西客要求免費試食經歷

有台灣女網民喺爆怨公社Facebook發文,表示自己係手工餃子網店老闆,有日收到客人詢問水餃價錢、口味同可以幾時拎貨。

老闆:「非常不好意思,因為本月的單都滿了!可能需要幫您安排在下個月唷!」

客人:「賣這麼貴,還要排隊喔?」

試食 店主有日收到客人詢問水餃價錢、口味。
老闆有日收到客人詢問水餃價錢、口味。(圖片來源:新假期編輯部)
試食 客人埋怨賣得貴還要排隊。
客人埋怨賣得貴還要排隊。(圖片來源:新假期編輯部)

客人要求免費試食

老闆指餃子大粒又飽滿,$4.5一粒絕對有價值,建議客人可以預訂,點知客人就話:「沒吃,怎麼知道好不好吃?」更問到底係有幾大粒。

試食 客人追問餃子到底係有幾大粒。
客人追問餃子到底係有幾大粒。(圖片來源:FB@爆怨公社)

老闆影咗兩張餃子相比客人睇後,客人就話自己同餃子店都係位於嘉義市,要求老闆送十隻餃子比佢試吓。

試食 客人要求老闆送十隻餃子比佢試吓。
客人要求老闆送十隻餃子比佢試吓。(圖片來源:FB@爆怨公社)

拒提供餃子試食 被西客鬧爆

客人:「我說你送十個來我試吃看看,沒吃過怎知道好不好吃?又怎知道是不是真的大顆?」

不過老闆話店舖無提供免費試食服務,更向客人道歉。但係客人就話其他店都會提供試食,反問係咪因為太難食所以唔畀試。

老闆話店舖無提供免費試食服務。
老闆話店舖無提供免費試食服務。(圖片來源:FB@爆怨公社)
試食 客人反問係咪因為太難食所以唔畀試。
客人反問係咪因為太難食所以唔畀試。(圖片來源:FB@爆怨公社)

西客:唔使打悲情牌!

客人解釋自己只係家庭主婦,靠賣餃子分擔家計,無理由每個客人都提供試食,不過客人完全唔理,仲話:「唔使打悲情牌。」

試食 客人完全唔理老闆解釋。
客人完全唔理老闆解釋。(圖片來源:FB@爆怨公社)

老闆最終忍唔住,叫客人如果唔鍾意就另搵賣家。

客人:「正有此意,給妳機會妳不要。」面對如此野蠻嘅客人,老闆都依然向客人致歉。

試食 老闆最終忍唔住,叫客人如果唔鍾意就另搵賣家。
老闆最終忍唔住,叫客人如果唔鍾意就另搵賣家。(圖片來源:FB@爆怨公社)

網民睇完之後都戥老闆唔抵,更話客人臉皮厚過犀牛皮,連網購小店都想拎試食著數;有人認為該名客人係騙子。如果大家係餃子店老闆,你哋又會點應對呢類客人呢?

圖片:新傳媒圖片庫、爆怨公社

圖片來源:新假期編輯部、FB@爆怨公社