6歲仔拎托盤唔小心整跌麵包 惡媽當場狠摑:「話咗你拎唔到!」
6歲仔拎托盤唔小心整跌麵包 惡媽當場狠摑:「話咗你拎唔到!」

6歲仔拎托盤唔小心整跌麵包 惡媽當場狠摑:「話咗你拎唔到!」

相信有唔少人見過有父母大街大巷鬧仔,好多時都會諗:「有咩返屋企先教啦!」早幾日就有網民投稿至生仔要考牌系列Facebook專頁,憶述喺麵包店見到阿媽打仔,究竟係咩事呢?

撰文:Evita | 圖片:新傳媒圖片庫、劇照、生仔要考牌系列Facebook

6歲仔拎托盤唔小心整跌麵包

有網民投稿至Facebook專頁,指有日下晝去屋企樓下麵包店買麵包,揀緊麵包時見到有個媽媽帶住對大約6歲仔同4歲女買麵包。

麵包
《Medical Top Team》劇照
《面包、巴士和第二次初戀》劇照

網民指當時仔仔主動要求幫媽媽拎托盤,而媽媽即刻將個托盤畀阿仔拎。

網民續話:「嗰個麵包托盤對於一個6歲左右嘅細路嚟講唔算容易拎,更何況目測盤上面擺咗3-4件麵包。」

點知唔夠10秒,小朋友就整跌兩件麵包落地。

阿媽見狀即刻打咗個仔兩巴:「都話咗你拎唔到啦!」

《名媛望族》劇照

網民話阿仔大喊衝出舖頭,而舖頭外係有條好多車出入嘅馬路,不過阿媽竟然望都唔望個仔,一手搶咗個托盤後繼續揀麵包。

網民話當時麵包舖老闆娘仲話唔緊要唔計佢哋錢,叫伙計掃走兩件麵包就算。但係阿媽無道歉之餘又完全唔理阿仔安全,畀完錢後拖住個女走,而仔仔就喊住跟尾,舖頭客人同老闆娘仲要比呢個阿媽更擔心仔仔安全。

投稿引嚟唔少網民留言鬧爆該名媽媽,有人就話「大人都會整跌嘢啦」、「難道所有人一出世就自動識?」等等,仲有人鬧佢不顧兒仔安全,認真癡線。

最新吃喝玩樂資訊