復仇者
復仇者

宣萱演「神盾局科技館」總工程師 加入香港版復仇者聯盟

影視娛樂

廣告

香港迪士尼樂園最新Marvel主題遊樂設施「蟻俠與黃蜂女:擊戰特攻!」將於3月31日開幕,其中宣萱亦會飾演一個原創的全新Marvel角色、「神盾局科技館」的總工程師林樂詩(Leslie)!雖說宣萱的確係首位香港Marvel角色,但其實過往都有唔少網民創作出香港版復仇者聯盟,今次加埋宣萱就啱嗮!

撰文:新Monday、新假期|圖片:新傳媒圖片、香港迪士尼樂園 | Hong Kong Disneyland

宣萱成首位香港Marvel角色擔演「神盾局科技館」總工程師

迪士尼最新Marvel主題遊樂設施「蟻俠與黃蜂女:擊戰特攻!」即將在開幕,香港藝人宣萱今次飾演一個專為「蟻俠與黃蜂女:擊戰特攻!」原創的全新Marvel角色、史達科技展神盾局科技館的總工程師林樂詩(Leslie),是遊樂設施中不可或缺的角色!

與蟻俠及黃蜂女對抗Hydra

「蟻俠與黃蜂女:擊戰特攻!」中,賓客將肩負重任,與蟻俠及黃蜂女一同響應鐵甲奇俠的號召,攜手抵禦邪惡勢力Hydra在香港發動的突然襲擊,擊敗Arnim Zola和他的機械蟲大軍。作為神盾局科技館的總工程師,宣萱擔演的Leslie得知蟻俠和黃蜂女需要賓客的協助對付Zola,即時指引賓客登上「突擊」戰車,配備電磁脈衝槍,與蟻俠和黃蜂女會合和並肩作戰。

大學修讀工程學卻未演過工程師

宣萱在大學時修讀物質工程學,過去卻從未飾演過工程師的角色。宣萱說:「當一位工程師需要的不只一個學位,自己努力完成大學課程,卻做夢也沒想過在現實生活中可以擔綱演出工程師的角色,過去演藝生涯也沒有演出這類型角色的機會。今

次能擔演Leslie一角,感覺就像重拾自己本業,而且還是與Marvel合作,簡直是夢想成真。基於我在學時的訓練,製作時遇到專業用詞的對白,我都可以駕輕就熟,全情投入。」

香港版復仇者聯盟

1|Iron Man – Eric Kwok 郭偉亮

講起Iron man, 第一時間應該諗起Eric Kwok (郭偉亮)!佢留鬚嘅形象一直都被指同羅拔唐尼飾演的Tony Stark相似,連太興都曾推出廣告,打正旗號由Eric Kwok飾演「Super Hero」,真係令人難分真假。

2|美國隊長 –謝霆鋒

謝霆鋒經常「chok爆」煮野食,俾人稱為「鋒味廚神」,如果由佢演美國隊長,當廚神唔再揸刀,走去揸盾,會係點呢?

3|寒冬戰士 – 鄭伊健

早前開演唱會嘅鄭伊健,最深入人心嘅角色一定係《古惑仔》陳浩南同一頭飄逸嘅長髮,而美國隊長老友寒冬戰士又係有一頭長髮,由鄭伊健來飾演,可能比原版更有型!

4|黑寡婦 –胡定欣

胡定欣自從拍完《城寨英雄》及《同盟》後,打女形象令人眼前一亮,雖然未必及得上黑寡婦嘅身材、美貌,但著起緊身戰衣絕對唔失禮!

5|變型俠醫 –陳奐仁

大家可能覺得變型俠醫應該係由大大隻嘅人去飾演,點都唔會係陳奐仁啦。但近年陳奐仁不斷做Gym, 練成一身肌肉,由肥佬變大隻仔,變肌肉男神!大隻咗之後,又真係幾似變型俠醫!

6|尼克 –喬寶寶

喬寶寶本身就係印度裔香港人,同尼克嘅膚色相似,又一口流利嘅廣東話。但做開喜劇嘅佢,唔知做打鬥戲又啱唔啱佢呢?

7|黑豹 –姜皓文

雖然姜皓文花名叫「黑仔」 ,不過膚色又未至於似黑人,但最重要係佢嘅演技有目共睹,今年有份角逐金像獎最佳男主角,相信佢有能力做好「黑豹」呢個角色!

不過講到演黑豹,其實有另一位男藝人都相當合適…… 就係陳豪啦!

8|雷神 – 徐錦江

相信在不少香港網民眼中,徐錦江

與雷神呢個角色已經畫上等號!無需多講~

9. 奇異博士 – 元華

相信大家對於元華嘅功夫絕對唔會質疑,由佢飾演奇異博士會唔會令有一番風味呢?

10. Marvel隊長 – 杜麗莎

早前上映的《Marvel隊長》大收旺場,網友更旋即發現原來Brie Larson其實是與杜麗莎撞樣,還齊齊改圖,效果出來竟毫無違和感!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..