打尖被地勤勸排隊 港女發脾氣唔上機兼要求地勤道歉
打尖被地勤勸排隊 港女發脾氣唔上機兼要求地勤道歉

打尖被地勤勸排隊 港女發脾氣唔上機兼要求地勤道歉

每個行業都有辛苦之處,而服務性行業更甚,日前有已離職嘅地勤投稿至「西客之道Hispitality Secret」,指之前返工遇到一位客人排隊上機時打尖,之後仲要發脾氣唔肯上機,引嚟一眾網民熱烈討論!

撰文:Evita | 圖片:劇照、Facebook截圖

港女打尖被地勤勸排隊

有地勤(下稱A同事)投稿至Facebook專頁,分享自己有一日喺前公司返工時,客人正在排隊登機,當條隊愈嚟愈少客人,就會逐少拆拉帶柱,唔使客人兜太遠先行到過嚟。

地勤
示意圖

A同事就分享:「突然間有位香港女士,喺中間自行拆開我哋條queue攝咗入去。」

示意圖

A同事又話,呢位港女攝正喺一對夫婦中間,後面嘅先生表現得一臉無奈,於是A同事就示意港女排返去後面。

A同事:「小姐,唔好意思,麻煩喺後面排一排隊。」

小姐:「吓!你無嘢啊!你邊隻眼見到我無排隊?」

A同事:「小姐,你望下後面其實都仲有幾位客人。」

小姐:「你咩態度?我而家就唔排隊唔上機。」

《我可能不會愛你》劇照

隨後港女坐埋一邊,當所有客人都上晒機嘅時候,有B同事叫佢上機,點知港女就大大聲話A同事話佢唔排隊,指自己心靈受創,並要求A同事鄭重道歉,要講「對唔住」同「唔好意思」。

而B同事就話:「我諗係小誤會嚟嘅,嗱,真係唔好意思,咁我邀請你上機。」

小姐:「我要佢同我講,唔係您,佢唔同我道歉我唔上機。」

《愛回家之開心速遞》劇照

之後A同事就話所有客人都上嗮機,同時經理就話可以搵定呢位小姐嘅行李,準備卸載。不過小姐依然要求A同事講對唔住,而A同事意志堅定,認為自己無做錯所以唔會道歉。

《愛回家之開心速遞》劇照

小姐又使出「投訴之都」嘅本領,話要投訴A同事,不過A同事就一於企硬,除咗主動提供職員編號外,仲話搵同事幫佢處理埋其他手續,最後港女死死哋氣去閘口上機。

去旅行都係求開心,又何必搞到咁呢?仲要成班乘客等佢一個……有網民大讚地勤態度企硬好啱,話唔畀啲教訓個女人都唔得!

如果你係地勤,你又會點做呢?

最新吃喝玩樂資訊