黃大仙美食墟回歸!一連5日免費入場!50個攤位 平食一口牛+芋圓+花膠+串燒|出街搵食
黃大仙美食墟回歸!一連5日免費入場!50個攤位 平食一口牛+芋圓+花膠+串燒|出街搵食

黃大仙美食墟回歸!一連5日免費入場!50個攤位 平食一口牛+芋圓+花膠+串燒|出街搵食

黃大仙美食墟回歸啦!現場有50個攤位售賣多種掃街小食,如玉子燒、一口牛、豬手、芋圓外,更會有不少海味乾貨、廚具用品一併發售,想趁機入貨的朋友可要留意,一於邊食邊掃街!

撰文:Sakura、Rice 圖片來源:Tommy、相關圖片

黃大仙美食墟 50個攤位

第4屆黃大仙美食墟會於3月22日至26日於黃大仙廣埸舉行,有多個攤檔售賣掃街小食,除了會有常見的乾貨如雞仔餅、蛋捲外,就連大熱的芋圓、串燒一口和牛也有。不得不提的是,最平$30便可吃到花膠海螺,啱晒一眾女士!

除此之外,也有不少醬料海味、廚具用品以優惠價發售,同場也有些專賣手工飾物的攤檔,有些貨品更只會於會場內有售,錯過咗就無,掃街和行街一次過!

第4屆黃大仙美食墟將於3月22日至26日舉行。
第4屆黃大仙美食墟將於3月22日至26日舉行。
場內多達50個攤位。
台灣雞翅包飯$30/份
隻隻都相當飽滿脹卜卜,有陣陣燒香味。
十分足料,糯米飯濕潤帶燒香,味道甜甜辣辣。
魷魚串$30/串
即叫即燒,沾上孜然和辣粉,魷魚爽口惹味!
旋風薯塔$30/串
手臂咁長!薯片炸至脆卜卜,非常脆口。
鐵板炒一口牛油香吸引!
安格斯牛粒$40/份
牛粒肉質鮮嫩,配上燒汁,香口惹味!
玉子燒加入芝士、韓國的蟹膏製作。
蟹醬芝士玉子燒$40/份
玉子燒蛋香味濃,夠滑身,蟹醬不會腥,反而有帶出鮮香味。
梳乎厘pancake$40/份
梳乎厘班戟入口鬆軟,口感軟綿,富濃郁蛋香。
仙草芋圓$30/份
亦有近期大熱的芋圓,口感Q彈,啱晒煙韌控!
章魚小丸子即叫即製
章魚小丸子$40/份
熱騰騰好香口,咬落軟腍,章魚都大粒。
鐵板炒豬手,肥瘦均勻。
鹹豬手$40/份
豬手帶黑椒煙燻香,甘香惹味。
花膠養顏,實屬女士最愛!一碗份量都算多,非常抵食。
花膠螺片$30/碗
花膠大大塊,入口爽口。
勁長蟹棒!
特長蟹棒$40/份
蟹棒爽甜,肉身不太薄,有咬口。
羊肉串$30/2串
沾上大量孜然粉,入口甘香惹味,羊肉味不會過重。
爆漿芝士雞扒$35/份
記者推介,雞扒好脆身,咬落芝士醬爆開,濃郁芝士香味。
香煎帶子$40
一份只得兩粒,有點貴,不過勝在都夠焦香,帶爽口。
避風塘燒賣$40/份
愛辣人士要試!入口濃郁辣香,燒賣有煎過,所以鹹香惹味。
椰青$30
味道不會太甜,椰香味足,如果再凍點就更好。
百香果蘭香子凍飲$20
夠涼快又清甜,解渴之選!

同場亦有不少海味乾貨,如醬料、花膠、健康食品等,應有盡有!

不少乾貨會以優惠價發售。

黃大仙美食墟

日期:3月22日至26日
時間:10am-8pm
地點:黃大仙廣場(顯示地圖
入場費用:免費

最新吃喝玩樂資訊