方皓玟、吳業坤擔任「饑饉大使」以行動關愛敘利亞難民@Miss Sunny

Mar 15 2019

廣告

你知你有多幸福嗎？好多朋友同Miss Sunny一樣，生活喺繁榮富庶嘅香港，偶爾會喺新聞上知道敘利亞等國家戰爭嘅消息，未曾想像過大批難民因戰火而逃離家園嘅苦況。今年4月6號舉行嘅「饑饉30」將全力支援呢班逃離敘利亞、南蘇丹和緬甸若開邦衝突嘅難民兒童及家庭，改善佢哋嘅生活。「饑饉大使」方皓玟、吳業坤、叱吒903急急子和鍾雪較早前更遠赴約旦探訪當地敘利亞難民。呢班被遺忘嘅難民好需要我哋用行動支持，所以Sunny已經約埋一班朋友參加嚟緊舉行嘅「饑饉30」，正所謂「心善則美」，大家一齊參加啦！

（Presented By 世界宣明會）

「饑饉30」全力支援飢餓難民

唔講唔知，全球仍然有約4.9億人要捱餓，仲要受到戰火衝突嘅威脅。長年戰火唔單止摧毀無數家庭，倖存者更要連日捱餓徒步到鄰近國家，試諗吓難民孩子喺無瓦遮頭嘅荒野生活，無水無糧，生活有幾艱難？今年「饑饉30」以「餓著行，撐難民」做主題，為一班逃離敘利亞、南蘇丹同緬甸若開邦衝突嘅難民籌款。善款會用嚟支持世界宣明會推行糧食保障、水利衛生及生計改善項目。

4位「饑饉大使」方皓玟、吳業坤、叱吒903急急子和鍾雪首次進入難民營，學習用阿拉伯語講「Hello」！

方皓玟、吳業坤約旦探訪當地難民

今年「饑饉大使」方皓玟、吳業坤、叱吒903急急子同鍾雪喺2月底一齊前往約旦，探訪住喺當地嘅敘利亞難民兒童及家庭，聆聽難民故事。

「饑饉大使」喺難民營內嘅宣明會「健康廚房」幫手預備午餐。現時當地有8個「健康廚房」，為3萬多兒童提供午餐，同時為難民提供工作機會。

方皓玟、吳業坤與敘利亞難民小朋友合奏，同唱歌曲《Baby Shark》。另外，坤哥仲喺約旦宣明會「兒童天地」唱出《陽光點的歌》，與難民兒童一起合唱「I say 1 2 3 4，You say 1 2 3 4」，場面愉快又溫馨。

南蘇丹持續內戰令逾400萬人失去家園，破壞生計，現時境內超過520萬人面對糧食危機。

緬甸若開邦在2017年8月爆發衝突，令逾92萬人成為難民，棲身喺孟加拉科克斯巴札爾(Cox’s Bazar)，該處係現時全球最龐大嘅難民營。

「餓著行」路段途經香港仔水塘，景色優美。完成後有穿梭巴士接載參加者返回香港仔運動場參與其他體驗活動。

即刻報名參加「饑饉30」撐難民

你都想參加「饑饉30」，支持呢班難民？咁就要Mark低日子，活動喺4月6號喺香港仔運動場出發。今次形式與以往唔同，參加者要自行喺4月5號下午1點開始饑饉，然後4月6號上午11點集合於香港仔運動場「餓著行」，一齊空肚出走，喺山野親身感受難民捱餓逃難嘅苦況。完成6公里行程後將有穿梭巴士接載參加者返回活動場地參與難民體驗活動、「饑饉之旅」分享環節及閉幕禮。

活動詳情

日期及時間：「餓著行」- 4月6日 (星期六)；「自行饑饉」- 由4月5日下午1時開始

地點：香港仔運動場 > 南風道 > 金夫人馳馬徑 > 香港仔水塘道 > 香港仔運動場

內容：行山6公里、難民體驗活動、「饑饉之旅」分享環節及閉幕禮

想知更多幾位「饑饉大使」今次旅程嘅體驗分享，以及報名詳情，即刻Click去 http://bit.ly/wvhk-wew30hf