茶水
茶水

律師樓萬八蚊月薪請茶水助理 大學生:「咁辛苦讀書都係無用!」

熱話

廣告

自少我哋就被灌輸「知識改變命運」嘅思想,所以有好多人都盡能力去完成大學學位,以尋求比中小學畢業更高人工嘅工作,想改善屋企環境同個人生活。不過去年有研究指出,大學生起薪點中位數只有1.4萬,但係日前就有公司開價萬八蚊聘請辦公室茶水助理!

撰文:Evita | 圖片:劇照

律師樓萬八蚊月薪請茶水助理

有邊個唔想搵份人工高福利好嘅工?日前有公司發布招聘廣告,以HK18,000聘請辦公室茶水助理。公司總部位於法國,於全球各地都有企業,而香港返工地點則喺中環。

招聘廣告用中英文寫出工作範圍,當中包括收發公司文件、整理會議室、保持茶水間整潔、設置茶點及飲料等。

求職者要識讀寫中英文、於壓力環境底下工作,一星期返五日、朝早8點半至下午5點。有大學生認為做茶水姐姐都有萬八蚊個月,點解仲要咁辛苦讀書。不過有網民就話呢份工將辦公室助理同茶水姐姐合拼咗,「無三萬蚊都攪唔掂」、「大學生讀屎片!出到社會,人工連茶姐都不如」。

有網民亦建議本港大學應該開設一個學科「BSc (Hon) in Pantry Management」,讀完就可以升級做茶水阿頭!

大家睇完之後,又有無一股衝動想去應徵呢?