睇吓自己有無份！哈佛大學研究指出成為廢物的9大特質

撰文：Evita | 圖片：劇照、電視節目截圖

成為廢物的9大特質

有無覺得自己做嘢總係拖泥帶水？讀書時做Deadline Fighter，工作時總係搵藉口話「我好忙」、「第二日再做都無所謂」等，跟住就會不斷諗「人生真係好悶」、「生活愈嚟愈無聊」 。惡性循環令自己加強罪惡感又覺得焦慮。

除此之外，「三分鐘熱度」都係廢物特質之一。好多時候大家一時興起對某件事產生興趣，但係往往因為過程中嘅挫折同挑戰而令人放棄。研究指人嘅天性係好逸惡勞，有唔少人都缺乏毅力。

同時，「害怕被拒絕」、「恐懼」同「自我設限」都係廢物特質，研究指呢三類人都係有非常重而脆弱嘅自尊心，佢哋最驚失敗，因此一開始就認定自己做唔到，索性連試都唔試。

研究亦指出，成為「廢物」亦因為經常「逃避現實」或「拒絕學習」，呢啲人日日發白日夢，等運到，終日沉迷網絡世界而浪費自己才能。更有人唔願意跳出框框，樂於生活喺舒適圈而令自己一成不變，無辦法進步。

總結就係，研究集合一個人成為「廢物」嘅9大特質：猶豫不決、拖延、總找藉口、三分鐘熱度、害怕被拒絕、恐懼、自我設限、逃避現實、拒絕學習；如果你中咗當中特質，就快啲諗吓點改變喇！