窮到要靠瞓覺捱過肚餓！網民分享人生最窮時刻：食二手飯、撳唔到錢係基本！自覺最窮竟然係⋯⋯｜網絡熱話

撰文：東方新地 ｜圖片：劇照｜編輯：Evita

網民分享人生中最窮時刻

1. 窮到要食二手飯

有不少巴打絲打分享佢哋人生中最切實感到貧窮嘅時刻，有巴打就話細個試過因為窮但又好想食糖，試過去執一粒跌咗喺地下嘅糖嚟食！

網民：「有次喺後樓梯見到有個pizza外賣盒，好奇走去打開，見到裏面有兩塊完整嘅pizza未食，二話不說就咁塞入口食。」

2. 一個包兩份分

好細個嗰陣，好肚餓問老豆可唔可以買飯食，老豆搵晒全身得$2.5，結果就買咗一個菠蘿包兩份食。

又有網民分享，試過喺外國山窮水盡，終於搵到工嘅時候身上得十幾蚊，出糧後加埋幾十蚊先啱啱好夠交租。

3. 要用瞓覺嚟忘記肚餓

有時候，瞓一覺真係可以解決好多問題！有網民話，曾經有兩年時間因為太窮，所以只可以食到早午餐，晚餐唔食，早啲瞓覺，用瞓覺嘅嚟忘記飢餓感。

4. 唔夠錢喺 ATM 撳出嚟

大家都知，要喺 ATM 撳錢，最低消費要有 $100，有不少網民就講，自己戶口試過唔夠 $100，要叫朋友借住幾十蚊先夠撳番戶口嘅錢出嚟。

網民：「大學試過銀行account少錢到㩒唔到出嚟。」

5. 最窮就係你身邊嘅人有錢！

有巴打覺得最窮嘅時候就係見到個Ex嘅現任好有錢（淡淡嘅哀傷），又有人話同女朋友出街都要偷買特惠車票添！

即睇更多：貧富思維7大差異！窮人思維只會令人越來越窮！富人思維就算跌落谷底也可以逐漸富裕｜好生活百科

即睇更多：單親媽媽離婚窮到戶口得$7 欲帶女兒尋死 一通電話谷底反彈年賺4千萬成富婆｜網絡熱話