窮到要食跌咗落地嘅食物 網民分享人生中最窮時刻
一生人流流長,總會有人曾經試過出現無錢嘅情況,唔同時間出現都會對每個人有唔同既想法同埋衝擊。有網民發文問大家人生中最感受到自己最窮時刻,不過竟然大部分人都係關女朋友事。
撰文:東方新地 |圖片:劇照 | 編輯:Evita
網民分享人生中最窮時刻
窮到要食跌咗落地下嘅嘢
有不少巴打絲打分享佢哋人生中最切實感到貧窮嘅moment,有巴打就話細個試過因為窮但又好想食糖,試過去執一粒跌咗喺地下嘅糖嚟食!
有網民:「細個成日同阿媽行半粒鐘出去第二到買餸,仲要係買啲最平嘅菜或魚。」
一個包兩份分
好細個嗰陣,好肚餓問老豆可唔可以買飯食,老豆搵晒全身得$2.5,結果就買咗一個菠蘿包兩份食。
又有網民分享,試過喺外國山窮水盡,終於搵到工嘅時候身上得十幾蚊,出糧後加埋幾十蚊先啱啱好夠交租。
最窮就係你身邊嘅人有錢!
有巴打覺得最窮嘅時候就係見到個Ex嘅現任好有錢(淡淡嘅哀傷),又有人話同女朋友出街都要偷買特惠車票添!
各位網民,你哋人生中覺得自己最窮又係幾時啊?