【我最喜愛食材-榴槤篇】榴槤甜品店合集!貓山王沙冰+榴槤Tet Set|出街搵食
【我最喜愛食材-榴槤篇】榴槤甜品店合集!貓山王沙冰+榴槤Tet Set|出街搵食

【我最喜愛食材-榴槤篇】榴槤甜品店合集!貓山王沙冰+榴槤Tet Set|出街搵食

最近榴槤甜品店愈開愈多,吃厭了榴槤班戟、榴槤雪糕?想試新食品就要留意今次記者精選的5間榴槤甜品店,有榴槤馬卡龍、榴槤芝士撻、3D榴槤蛋糕、貓山王沙冰等,全部都是榴槤迷必試!

《新假期年度我最喜愛食材選舉2019》投選你最喜愛食材!免費下載食材Whatsapp Stickers!贏雙人食材之旅!

投票網址:https://foodof2019.weekendhk.com

撰文:Joan、Helen 攝影:Scott、Tony、Meck、Issac

1.旺角6款榴槤主題飲品:貓山王榴槤沙冰

行經旺角,目光總會被一檔檔的食店吸引,最近又有多間小食店加入戰場!負責人Duncan,是名90後男生,在澳洲讀過2年的藍帶課程,回港後做過廚師,膽粗粗和拍檔同開小食店,賣貓山王沙冰、榴槤奶蓋茶和芝士球等輕食,榴槤Fans要試!

Duncan是個90後男生,年紀輕輕,但已在澳洲墨爾本修畢為期兩年的藍帶課程。

兩年的藍帶課程,Duncan從中學懂了不少傳統法國菜的基本功,他笑言切食材也要一絲不苟,要用mm來區分,各款Size的食材也有不同的學名,非常專業。

貓山王冰沙 $42
6款榴槤飲品中以這款最濃味!最底有榴槤蓉,再加入用榴槤蓉、榴槤粉、鮮奶等打成的沙冰,榴槤控必試!

榴槤奶蓋錫蘭紅茶 $35
想清甜點的,可選榴槤奶蓋茶,奶蓋用D24榴槤果肉、忌廉芝士、和鮮奶等打成,喝時會嘗到一絲絲榴槤肉!茶底可選由台灣入貨的炭培鐵觀音、四季春或錫蘭紅茶。

鮮果+沙冰系列

不是榴槤Fans的,也可試試鮮果或沙冰系列,配搭少見,有話梅青檸梳打、沖繩黑糖香蕉沙冰和白朱古力椰絲沙冰等。

沖繩黑糖香蕉沙冰 $28
喝膩了黑糖珍珠,可轉試這款黑糖飲品,用上淡淡甜香的沖繩黑糖漿,加入香蕉和鮮奶打成沙冰,清香帶甜。
話梅青檸梳打 $28
這款是醒神之選,底層有話梅乾和話梅水,再倒入2/3杯有氣梳打水和青檸汁,解渴清新,又做到漸層效果!

榴槤小食:西班牙油炸鬼+芝士波

除了飲品外,還有4款自家製作小食,包括西班牙油炸鬼、榴槤煎堆和榴槤芝士粒,款款也屬邪惡之選!

西班牙油炸鬼(榴槤醬)$28
西班牙油炸鬼炸漿自家製作,有Order時才下油即炸,擠漿時力度要均勻,炸時要不停翻滾炸漿,成品賣相才會均一。
油炸鬼外脆內軟,單吃已夠滋味,不過記得蘸上榴槤醬,加了煉奶製作,甜香好易入口。
榴槤芝士粒(5粒) $28
芝士粒也是自家製作,Mozzarella芝士裹上炸漿和榴槤粉炸香,面頭再額外灑上榴槤粉,咬開一半時可做到牽絲效果,記住要趁熱吃!

小食店在旺角廣華街,店內有少量企位可讓大家邊吃邊打卡影相。

花果山

地址:旺角廣華街1號仁安大廈地下24A鋪(顯示地圖)
電話:6872 7454
營業時間:星期日至四 12pm-10:30pm、星期五至六12pm-11pm

2.佐敦貓山王榴槤Tea Set

佐敦最近多了間三層榴槤甜品店,專賣貓山王榴槤甜品,包括布甸燒、芝士撻和雪糕等,仲可以訂造榴槤花束、大蛋糕等,由於店子負責人在馬來西亞柔佛州擁有自家榴槤果園,所以全年都有A級的貓山王出產,榴槤急凍再空運到舖,平均一個多月便會運1,800個榴槤來舖,份量超多,店舖樓高三層,地下是賣榴槤和甜品,上面兩層有座位可坐低慢慢食,榴槤Fans要去!

店內門口的雪櫃放滿甜品,種類算多。
店內的貓山王榴槤急凍後再空運到舖,想吃原個榴槤,這裡當然滿足到你。

榴槤Fans想一次過食幾款甜品的,可以選擇新推出的貓山王Tea,Tea內共有4款招牌甜品,包括特濃蛋糕、法式燉蛋、馬卡龍和北海道貓雪糕。

貓山王Tea $175
一共4款招牌甜品,包括特濃蛋糕、法式燉蛋、馬卡龍和北海道貓雪糕。
特濃貓山王蛋糕外形是個迷你版榴槤,尖刺是斑蘭忌廉唧成,做得像真。另可單買$45/個。
切開是斑蘭海棉綿蛋糕和榴槤肉相間,食落味道較清香,斑蘭香和榴槤香並重。
法式貓山王燉蛋 另可單買,$40/個
燉蛋下層是一絲絲的榴槤果肉,入口香氣湧喉!燉蛋亦夠滑身,配上脆脆的香甜焦糖面,好難停口!
馬卡龍雖然色彩繽紛,但裡面全部都是榴槤餡!

其他榴槤甜品:流心芝士撻+超濃味雪糕

除了Tea Set外,還有數款熱賣的榴槤甜品,人氣最高的有榴槤芝士撻和雪糕。前者是由日本師傅製作,牛油撻皮在店內焗製,再加上厚厚一層榴槤果肉和唧上芝士漿焗香,可選熱食或凍食,熱的芝士餡會一湧而出;凍食的反而榴槤香會更突出,各適其適。另外雪糕是記者私心推介,入口軟滑,不用1秒榴槤香已直衝味蕾,甜度雖高,但也停不了口!

貓芝撻(旗艦芝士貓山撻) $25 買5送1
芝士撻有熱有凍,牛油撻底內先鋪上一層榴槤果肉,再加日本芝士漿焗製,熱食會有流心效果,凍食的則榴槤味道更突出。
榴槤雪糕(杯裝)$45
之前只限星期六日推出的貓山王雪糕,而家日日供應!貓山王雪糕份量多,一杯可夠兩人Share!記者覺得雪糕杯是全場最濃榴槤香的甜品,輕輕一啖已有果香直逼味蕾,欲罷不能,這個要試!
貓甸燒(貓山王布甸燒) $45
由榴槤果肉、布甸和焦糖汁做成,食時要多買一個碟仔把布甸倒出,焦糖汁就會淋在整個布甸表面,質感滑溜,但榴槤味較輕怡,不愛重口味的可試這款。
貓山杯 $45
即是原味的戚風蛋糕再加上貓山王漿,榴槤漿在蛋糕中間,食時可把蛋糕蘸上香味突出的榴槤漿,不夠喉的,可加錢在蛋糕上擠上軟雪糕。
榴槤瑞士卷(左起:原味榴槤、咖啡榴槤、紫薯榴槤)$45/件
榴槤椰香糯米飯
店內亦有多款花茶,有蘋果薄荷、焦糖和玫瑰口味,飲完一掃榴槤口氣,不怕朋友投訴。
另外店內也有賣1磅以上的榴槤蛋糕,不過就要3日前預訂。
最搞笑的是有賣榴槤花束,原個貓山王榴槤插在花內,影完相可即食,非常實用!
二樓和三樓都設有座位,想Chill點的也可到露台坐坐。
老樹旗艦店
地址:九龍佐敦白加士街105號(顯示地圖)
電話:28865573
營業時間:星期一至四 12nn-1030pm、星期五至日12nn-11:30pm
備註:收現金及信用卡

3.全港首間!2,500呎榴槤主題樂園

老闆Steve本身從事廣告業,亦是一位榴槤迷,他見港人熱愛榴槤,但卻缺乏一個「安樂窩」,讓榴槤迷毫無顧忌地吃榴槤,於是聯同數位榴槤愛好者,一同開設全港首間以榴槤作主題的樂園式專賣店。店舖總共有2層,佔地足足有2,500呎。店內提供多款榴槤食物,更處處見到榴槤圖案和擺設,還有多個打卡位,榴槤一定不可錯過!

由底層走到2樓,馬上看到大大個榴槤樂園的招牌,天花同時掛上多個榴槤裝飾。

Steve更在馬來西亞彭亨州自置的榴槤果園,和當地的果農合作種植。而樂園全年會供應不同品種的原個新鮮榴槤,包括貓山王、D24、XO,皆由當地直送。

果園設於當地的榴槤勝地勞勿市(Raub),Steve指目標是可年產200噸榴槤。

多款榴槤食品:奶蓋、奶凍、芝士撻

除了新鮮水果,樂園還跟曾在美國開飲品店的TVB藝人胡美貽(Nicole Wu)合作,推出榴槤特飲,如榴槤奶茶、榴槤奶蓋等,另有榴槤芝士批,榴槤雪芭等小食,絕對可以滿足一班榴槤控!

Nicole在美國有經營泡泡茶 ,這次則把榴槤和茶結合,打造不同的特飲。
榴槤奶蓋 $68
茉莉綠茶加上由忌廉芝士、榴槤蓉製成的奶蓋,另加$15則可加60g榴槤肉。奶蓋香滑,和榴槤肉很夾,茶味甘香。
焦糖布丁奶凍 $68
這款沒有榴槤成分,由珍珠、自家製布丁、雪葩,加上焦糖漿製成,珍珠煙韌,布丁軟滑,整體層次非常豐富,味道甜蜜。
榴槤芝士撻 $25
曲奇皮香脆,內餡半熟微溶,入口軟滑,榴槤香十足。
榴槤芝士蛋糕 $48
凍餅形式,香濃的芝士和榴槤味好夾,非常香滑!
榴槤雪葩 $68
以春卷皮承托榴槤雪葩,榴槤雪葩呈沙冰狀,非常冷涼,啖啖榴槤香,配上榴槤釘形狀的朱古力。

榴槤打卡位:3D牆+榴槤籃球

店內的裝修經過專心設計,滿佈榴槤踪迹,包括榴槤椅、榴槤籃球、榴槤標句等,非常有趣,打卡一流!

牆上有3D圖案打卡位,而座墊則是榴槤圖案。
連椅子上也有榴槤的搞笑圖案。
籃球框也以榴槤替代籃球,非常抵死!

榴槤樂園
地址:尖沙咀金巴利道92號 (顯示地圖
電話:2789 9100
營業時間:星期一至日12nn-11pm

4.榴槤BB開台茶店!過20款特飲

最近台茶店接二連三的開張,有人搞搞新意思,把台茶和榴槤融合,這間茶飲店正是近年不時舉行榴槤放題、榴槤市集的榴槤BB,飲品分珍珠奶茶、芝士奶蓋、焦糖脆奶茶、奶昔4款,每一款均有榴槤蓉、榴槤肉的成分,推介榴槤奶昔,把整塊貓山王,連同榴槤蓉、鮮奶等一起打成奶昔,最後加上整塊榴槤肉,榴槤味濃郁到爆!另外還提供純茶飲,就算不愛榴槤的人也有選擇。

一嚿貓山王跌落奶 $48
一杯足足用了60g的榴槤蓉和40g的貓山王,奶昔質感細滑,帶有榴槤絲,味道超香濃!
貓山王焦糖脆奶綠 $38
茶底由2種茶葉調製,配上黑糖珍珠,面頭加上一層奶泡和黑糖粉,再以火槍燒香,表層焦脆,奶茶質感稠身。
貓山王芝士雲頂綠茶 $38
綠茶加上由忌廉芝士、榴槤蓉製成的奶蓋。奶蓋非常香滑,和榴槤肉很夾,綠茶甘香。
金包珍珠炭燒烏龍奶茶 $38
奶茶順滑,金包榴槤配上黑糖珍珠,味道香甜。

此外,如覺得只有飲品太寡,旁邊連接著品鑒部,提供不少榴槤乾貨和榴槤拼盤,拼盤有齊5件不同品種的榴槤肉,一啖飲品一啖肉,好滿足!

榴槤品鑒盤 $148
總共有5款榴槤,款式不定時轉換,這次有名種、十三半、金包、山項XO、貓山王,名種果肉結實,偏甜,山頂XO肉質柔軟,帶微微酒香。
茶飲部旁邊的品鑒部售有榴槤蛋卷、拉茶、咖啡等產品。
設堂座供客人吃榴槤及歎茶飲,每張皆準備好手套、紙巾等用品,好貼心!

榴槤BB Cafe
地址:觀塘敬業街 65-67 號敬運工業大廈 2B(顯示地圖
電話:3708 8732
營業時間:星期一、三至日 12nn-7pm(星期二休息)

5.貓山王3D榴槤蛋糕 100%像真!

馬來西亞華僑Eddie,原本是吉隆坡香格里拉酒店的餅廚,打工仔生活過了十多年,就想出外面闖,數年前隻身來港工作,認識了現時的香港女朋友Kaman,大家有了開網店的想法,四年前就開始在網上賣立體蛋糕,後來更用榴槤做主打,推出過廿多款不同榴槤甜品。

馬來西亞華僑Eddie(IG 店老闆及餅師)

店中最令人瘋狂的就是扮開殼的 3D榴槤蛋糕 ,用貓山王來做,外形幾可亂真,內餡非常足料,用上了300克的貓山王果肉, 再配上淡忌廉及海綿蛋糕,蛋糕鬆軟果味濃郁,面層放上原粒金枕頭,乍看逼真,高峰期一日就試過接8個訂單。

3D 開殼貓山王蛋糕$880 (3磅)
外圍的榴槤釘以忌廉造成,務求逼真用上了兩個不同Size 的唧咀,入面是層層相間的貓山王果肉、 淡忌廉及海綿蛋糕,面層放上原粒金枕頭。

即看! 3D榴槤蛋糕之煉成

先準備綠色的忌廉,模仿榴槤外殼顏色。
用唧咀,逐少逐少把綠色忌廉唧在蛋糕外圍扮榴槤釘。
把啡色食用色素注入噴槍。
噴在榴槤釘上,營造立體感。
蛋糕面層,塗上白色忌廉。
放上真榴槤肉做裝飾。
插上榴槤柄即成!

不惜工本 貓山王榴槤製作甜品

現時,甜品多用Eddie 家鄉的名物貓山王果肉來做,雖然成本較一般泰國榴槤貴得多,但其果味濃郁回甘,做甜品不會過膩,不過相信背後的原因,還是有一種對家鄉的思念吧!

臭臭貓士撻 $25/ 件
以貓山王果肉作餡,上層有香滑的芝士忌廉, 口感豐富有層次外,撻底也做得十分香脆。
切開,可見貓山王餡有幾足料!
貓山王BB 蛋糕杯 $280/4 杯
內餡是切粒的海綿蛋糕及貓山王忌 廉,上面放有貓山王果肉,入口回甘。
火炙芝士貓山王千層蛋糕 $160(5吋)
中間餡料有淡忌廉、貓山王果肉相間,頂層是火炙芝士,皮薄而餡料豐富,濃郁的貓山王和忌廉非常 順滑。
貓山王爆醬BB
外層戚風蛋糕超級鬆軟,口感夢幻似小甜 的棉花糖,吃罷不覺膩滯。
一咬開貓山王醬汁溢出,勝在質地不太濃稠。
店名Ooilicious 是來自二人的名字,Eddie 的名字拼音是「Ooi 」,而「Li 」是女友Kaman 的姓氏,他們未來計劃開實體店。

Ooilicious
IG: ooilicious
電話:6577 7767

同場加映

新假期年度我最喜愛食材選舉2019!投票即下載Whatsapp Stickers!贏免費雙人食材之旅

最新吃喝玩樂資訊