麥當勞又送 Minions 一套10支餐具率先開箱!

麥當勞 Minions 餐具由7月16日起開始換購,應該會掀起搶購潮。新假期率先有麥當勞 Minions 餐具實物到手,就同大家一齊睇下有幾靚先!

麥當勞Minions餐具_Minions_Pinkey

今次的麥當勞 Minions 餐具共有五套,一次過推出,Kelvin、Bob、Stuart三個都是主角,你又覺得邊套最靚呢?

麥當勞Minions餐具_Minions_餐具
左一: Bob 左二: Stuart 中間:McCafé特別版 右二:麥麥送特別版 右一:Kelvin

換購方法

普通版:在麥記買任何食品,加$30有一套(1叉1匙),每次最多可換兩套。
麥麥送版:柯打24 小時麥麥送滿$70,加$30有一套(1叉1匙)。(嘩,貴喎!)
McCafé版:於McCafé買任何食品,加$100有一套(1叉1匙),包4張 McCafé中杯裝熱飲換領劵,以$25/杯的熱飲來計,抵喎,套具即係唔使錢。)

Minions兩用餐墊袋

一如以往,粉絲可以一次過成Set入手,裡面仲會有成set買至有的特別版產品,今次呢個吸引,是 Minions 兩用餐墊袋,返工定返學用都得。

麥當勞Minions餐具_Minions_餐袋

麥當勞Minions餐具_Minions_餐墊
堅方便,將袋打開便是餐墊,有 Minions 印花,還有一個間隔用來裝餐具。
麥當勞Minions餐具_Minions_餐墊印花
餐墊睇真D!Minions 印花係咪好靚呢?

買任何食品加 $188,便可以即刻有一套「限量版 Minions TM 舐舐脷餐具套裝」,包括三套普通版餐具,5 張$10 印有兵仔 cute 爆樣貌的麥當勞美食券和 Minions 兩用餐墊袋。

抵唔抵買?

$188-$50美食券-$90餐具=餐墊袋$48 (都買得過!)

麥當勞Minions餐具_Minions_全套
$188「限量版 Minions TM 舐舐脷餐具」套裝

日期:7月16日起
地點:麥當勞餐廳 (自助點餐機除外) 及24小時麥麥送 (網上訂餐除外) ,不包括海洋公園、沙田馬場、跑馬地馬場分店

睇戲戴Minions 3D眼鏡 食蕉味爆谷

聽聞幾間戲院都有 Minions 爆谷食,不過如果去旺角MOKO的話,有Minions 3D眼鏡添,超得意囉!即場食埋蕉味爆谷 (包括香蕉味爆谷連《迷你兵團》限定鐵罐一個、汽水杯連12oz汽水及人物頂蓋2個),成件事夠晒 Minions!不過呢set無得就咁畀錢買,要在商場以電子貨幣(信用卡、易辦事或八達通) 消費滿$3,000或以上(食肆除外),便可換領($3,000都幾貴喎!儲埋D嘢去買都未必買到囉……)

麥當勞Minions餐具_Minions_爆谷
換領方法:
日期:即日至26/7 (逢星期六及日)
時間:12nn – 10pm (每日換完即止)
地點:旺角MOKO L4樓層禮品換領站

土炮 Minions Pancake

覺得買$3,000太多,我有另一個貼地提議,元朗有茶餐廳好有心地自製 Minions Pancake,都幾Cutie喎!配牛油同糖漿一齊食,味道唔錯,$50/3件,抵玩啦!

麥當勞Minions餐具_Minions_Pancake
圖片來源:PS Lam

輝記美食
地址:元朗馬田路怡豐花園A座地舖(顯示地圖)營業時間:11am-10pm

延伸閱讀:
終於有蕉味! Minions 迷你兵團麥當勞9大新食物
麥當勞 自製漢堡 率先試整11cm高巨無霸!

最新吃喝玩樂資訊