粟米湯
粟米湯

飲粟米湯成日淨粟米 教授教路一個簡單方法即一粒不漏

熱話

廣告

去日本旅行時會發現街上有好多飲品販賣機,而販賣機就未必係賣汽水檸檬茶,有啲係會賣罐裝粟米湯。不過有唔少人喺飲用粟米湯嘅時候發現,每次總會剩底幾粒粟米喺罐底。有見及此,有日本教授教路,只需一個超簡單方法,粟米就會自己流出!

撰文:Evita | 圖片:Twitter、YouTube截圖

飲粟米湯成日淨粟米

大多數人喺飲完粟米湯後,都習慣用力拍罐底令粟米跌出嚟,但係往往都浪費力氣又未必真係完全成功。

有一名流體力學嘅教授教路,只需要喺罐口附近輕按,壓出凹糟後粟米就會自然流出,教授更上傳模擬動畫解釋。當正常速度飲粟米湯時,粟米就會卡住喺罐口。假設罐內有28粒粟米,就會淨低9粒。

將壓出凹糟後就會令粟米湯呈漩渦狀,粟米相對較易沖到出口。假設罐內有28粒粟米,只會淨低2粒。

有日本網站實測之後,結果發現全部粟米都成功沖出嚟,罐內一粒不留,唔知其他有粒粒嘅飲品又可唔可以用相同方法呢?各位都不仿可以試吓喎!