打尖
打尖

師奶打尖被鬧反發爛渣!網民熱議:排到一半走咗去仲叫排隊?|網絡熱話

熱話

廣告

排排下隊見到人打尖你會點做?平時出街食飯、買嘢又或者㩒錢時見到多人,相信大家都會好守規矩咁排隊。有網民投稿至「西客之道HIspitality Secret」專頁,指排隊等車時有港媽帶同仔仔打尖,事後仲要發爛渣,究竟係咩事呢?

撰文:Evita | 圖片:新傳媒圖片庫、Facebook截圖、KMB九巴專頁|資料來源:西客之道HIspitality Secret

港媽離隊十分鐘返轉頭打尖

網民投稿至西客之道,分享自己喺巴士總站等巴士時嘅經歷。

一個香港師奶同個四五歲嘅仔排我後面,個仔彈嚟彈去撞到後面嘅人,呀(啊)媽都無理。然後佢地排排下就走開咗,過咗十分鐘之後返嚟插隊插咗係我前面。

(圖片來源:新傳媒資料室)
示意圖:搭巴士要排隊是常識吧。(圖片來源:新傳媒資料室)
(圖片來源:《BB來了》劇照)
(圖片來源:《BB來了》劇照)

網民指當時開聲同港媽講:「你係咪排隊㗎?隊尾喺後面喎!」

港媽回應:「咩啊!我頭先排呢到㗎!咩規矩啊⋯⋯」

網民又話之後港媽排喺佢後面,個仔依然繼續周圍踢,排喺後面嘅人就畀個港媽嚇到呆晒。

示意圖,非涉事巴士。(圖片來源:新傳媒資料室)
示意圖:上到巴士仲要大大聲話自己無打尖。(圖片來源:新傳媒資料室)

網民指上車之後港媽極大聲講電話,話自己畀衰人恰,搭巴士打尖畀人鬧,應該行路先啱。

又對仔仔講:「下次排隊要小心啊,會畀無禮貌嘅衰人話㗎!」

網民投稿時不禁問:「其實排排下隊走開十分鐘仲叫排隊咩?咁樣嘅人教小朋友真係好恐佈。」

(圖片來源:新傳媒資料室)
點樣先係啱嘅排隊方式?(圖片來源:新傳媒資料室)

網民大讚 被打尖挺身而出

有其他網友留言就話都有遇過等車被打尖嘅經歷,亦有人話見到呢啲人一定要大大聲鬧佢。

(圖片來源:Facebook 截圖)
遇到有人打尖,梗係大大聲話佢打尖啦。(圖片來源:Facebook 截圖)
(圖片來源:Facebook 截圖)
見義勇為其實獲得更多人讚賞!(圖片來源:Facebook 截圖)

亦有網民話其實係樓主唔啱,認真母子係有可能去咗廁所再返嚟。如果大家遇到呢啲問題,又會點做呢?

(圖片來源:Facebook 截圖)
排到一半走咗去仲叫唔叫排隊呢?(圖片來源:Facebook 截圖)

撰文:Evita | 圖片:新傳媒圖片庫、Facebook截圖、KMB九巴專頁|資料來源:西客之道HIspitality Secret