清熱解暑藥膳! 羅漢果 高湯葛粉絲

吓? 羅漢果 唔係煲涼茶、或者煲老火湯就咁飲嘅咩?可以加埋葛粉絲一齊食架?咩味架?係咪好怪架?見到呢個title,或者你心入面會有呢啲疑問,呢間麵店嘅高湯由原材料熬成,唔落味精、雞粉,由開業至今,食客都係讚多過彈!到底呢碗高湯麵點解會有咁多like呢?記者決定親身試食!

IMG_0117 (1)
店內招牌湯底:黑高湯(左)、大高湯(中)、白高湯(右) 配陽春麵/米線/葛粉絲/米粉
店內有十多張枱,空間算寬敞。
店內有十多張枱,空間算寬敞。

甘甜羅漢果黑高湯

黑高湯以 羅漢果 、牛骨、牛腩,煲六個鐘熬成,牛骨要用焗爐烘過先煮,以逼出牛嘅香味。上菜嘅時候,聞到有陣台式紅燒牛肉麵嘅味,亦見湯色呈醬油色,心諗應該會幾濃味,但飲落去就好唔同啦!好大陣 羅漢果 嘅甘甜味,但蓋過咗牛肉味,味道唔濃,個湯無乜油,味道比較淡,真係估唔到!

黑高湯葛粉絲 $48 配兩款麵點心 $75 配三款麵點心 $85
黑高湯葛粉絲 $48
配兩款麵點心 $75
配三款麵點心 $85

葛粉絲晶瑩通透,口感煙韌
葛粉絲晶瑩通透,口感煙韌,唔係太吸湯。

 

鮮味金腿雞湯

如果唔鍾意羅漢果嗰陣甘味,可以揀大高湯麵,呢隻湯底算係比較大路嘅選擇。湯主要由老雞、嫩雞、金華火腿、豬骨熬製而成,個湯要煲12個鐘,等材料出味。個湯要湯色係金黃色,非常清,聞落好大陣雞湯味,飲落味道好鮮,但味道都係偏淡,少咗啲鹹香。

大高湯陽春麵 $48 配兩款麵點心 $78 配三款麵點心 $88
大高湯陽春麵 $48
配兩款麵點心 $78
配三款麵點心 $88
配陽春麵,等啲麵線吸埋湯汁,一啖食晒。
配陽春麵,等啲麵線吸埋湯汁。

白白滑滑鮮魚湯

白高湯由牛鰍及大眼雞、同埋一啲合時令嘅魚一齊煲,以岩鹽調味,因為煎香啲魚先至煲,所以湯色呈奶白色。白高湯適合配滑嘟嘟嘅米線。湯底有鮮魚味道,同前兩種湯底都係味道偏淡,唔太鹹,有少許腥。

白高湯米線 $48 配兩款麵點心 $75 配三款麵點心 $85
白高湯米線 $48
配兩款麵點心 $75
配三款麵點心 $85

雖然啲湯麵食落都真係幾鮮,又無味精,但對於食慣濃味野,無餸不歡嘅記者,淨係食一碗淨麵,真係好寡喎!每碗高湯麵其實可以跟餐加小食(咁價錢就要加返少少啦)。小食有十幾種,依家就搵咗比較受歡迎嘅四種小食俾大家睇。

爆漿芥末墨魚球

煎炸野真係好邪惡,同時又好吸引。正當我想將呢粒炸墨魚球放入口之際,負責人叫停咗我!!佢話要攤下先食,炸完即刻食,入面啲芥末醬會好燙口,唯有遲少少先啦……外層係燕麥碎,幾香脆,咬落去係有啲芥末醬爆出嚟,質感幾彈牙,食到有啲墨魚肉粒,幾有嚼勁。

芥末炸墨魚球 $18(單點)
芥末炸墨魚球 $18(單點)
IMG_0070 (1)
爆出嚟嘅芥末漿

卜卜脆炸蝦丸

同炸墨魚丸一樣咁邪惡嘅炸蝦丸,外層係炸到好脆嘅碎米粉,入面有鮮蝦同豬肉碎做餡,咬落去有少少酸梅汁流出嚟,不過食唔到有酸梅味。

酸梅炸蝦丸 $18(單點)
酸梅炸蝦丸 $18(單點)
炸蝦丸內有酸梅汁
炸蝦丸內有酸梅汁,會juicy少少,但味道唔明顯。

酒香溏心蛋

以蛋白較實,蛋黃甘香嘅鴨蛋嚟做凍食溏心蛋,有陣煙燻味同埋有好大陣米酒香,蛋黃係醬嘅質地,質感幾滑。

馥郁溏心蛋 $18(單點)
馥郁溏心蛋 $18(單點)

清淡竹笙卷

蝦肉、豬肉同火腿打成膠狀,釀入竹笙再用湯煮,食落有彈牙蝦肉,亦有豬肉鮮味,但味道較為清淡。

竹笙金腿百花卷 $18(單點)
竹笙金腿百花卷 $18(單點)

懷舊味道 豬油渣撈麵

豬油渣,可能好多keep緊fit嘅人士一聽見都會耍手擰頭,但其實以前物質唔富裕,脆卜卜嘅豬油渣撈飯就已經係人間美食,所以豬油渣係唔少老饕嘅恩物。以前食嘅豬油渣撈麵,甚至加埋豬油嚟撈以突出香味,不過呢碗麵嘅油就轉用植物油,好似無咁大罪惡感XP豬油渣炸得幾脆,有少少油份,配蔥油食幾惹味,仲有啲炸銀魚仔喺麵入面,但銀魚仔比較硬,又啲難咬。

香蔥薑油撈麵配豬油渣 $45
香蔥薑油撈麵配豬油渣 $45
蔥油味濃,加埋豬油渣同銀魚,幾惹味
蔥油味濃,加埋豬油渣同銀魚,幾惹味。

IMG_0021 (1)拷貝
整體嚟講,70幾至80幾蚊食一碗麵,配2至3個餸都算幾貴,但湯底始終都係原汁原味無味精湯,記者食完亦無口渴感覺,都係一分錢一分貨。唯大部份食物都偏向淡味,可能未必啱一啲鍾意「重口味」嘅朋友啦!

大熱高湯麵
地址:北角電氣道256號華凱大廈地下(顯示地圖)
營業時間:星期一至日11:30pm-04:30pm;06:00pm-10:00pm
聯絡電話:2578 2808

延伸閱讀
《 東京攻略 》第7集 江之島 鎌倉 杜如風食買玩地圖@旅神TravelMaster
$88 甜品 放題 五大必試推介【觀塘】

最新吃喝玩樂資訊