台灣空姐爆7大空服界性暗示對白 去你房吹頭其實係……
台灣空姐爆7大空服界性暗示對白 去你房吹頭其實係……

台灣空姐爆7大空服界性暗示對白 去你房吹頭其實係……

空姐可能係唔少男士們至愛的職業,大家總會想像空姐美貌與智慧並重、身材又好,套制服更令人有無限暇想!近日台灣網絡紅人兼空姐天菜娘娘,上載一段名為「空服員性暗示? SOD都是真的!?」影片,大爆空服人員之間的性暗示對白,真係長知識了!

撰文:新假期|圖片:Honeyliciousss、Instagram

空姐爆7大空服界性暗示對白

台灣空姐天菜娘娘樣貌身材都相當出眾,不時在影片中分享當空姐的辛酸及空服界的種種秘聞,備受觀眾歡迎。近日佢「空服員性暗示? SOD都是真的!?」一片已經有超過90萬人睇過,看來大家都好有興趣!

空姐
空姐天菜娘娘有相當多粉絲!

空姐

空姐
身材相當有睇頭~

空姐

究竟佢有咩空服之間的性暗示對白分享俾大家呢?

開始入正題!

1|「明天要不要一起出去玩… 單獨?」

天菜娘娘話空中服務員在外地時,通常都會係一班人出去玩,如果單獨約你…… 應該就有其他意思啦!
不過又唔算太有性暗示意味,45分啦!

2|「我的冰箱壞掉了,我買的東西能拿去你冰箱冰嗎?」

通常機組人員住的酒店唔會太差,如果房內雪櫃壞咗,第一時間應該係打去櫃台,而唔係打俾第二個異性同事,除非係想….

主動要求去人哋房,呢個性暗示指數有60分!

3|「我的充電器忘了帶,可以跟你借嗎?」

呢招好多人都識,不過唔記得帶充電器其實好平常,又唔一定有咩暗示~
只有20分!

4|「我剛買了東西吃,可以去你房間吃嗎?」

點解一定去人哋間房食呢?
天菜娘娘指出,女仔講得呢句,通常都係睇男方會唔會主動進一步,性暗示指數同樣有60分!

5|「我的吹風機壞了,可以在你那邊吹頭髮嗎?」

呢個係天菜娘娘親身經歷,有一晚佢聽到有女仔敲一個空少房門,於是八掛睇睇啦……

點知見到個女仔啱啱沖完涼,頭髮濕濕,著住大大件「Boyfriend Tee」走去敲人門,真係好有畫面……

然後仲問可唔可以去你房吹頭!天菜娘娘高呼性暗示指數高達90!

最期待的畫面出現了!天菜娘娘話一直留意住,結果發現個女仔成晚都冇再出過來!唔通個風筒真係咁差?

6|我怕鬼!」

九成女孩子都怕鬼啦,用呢個藉口就可以光明正大咁去男同事間房,都算高招!不過怕鬼其實都可以兩個女仔攬住一齊瞓?

7|「按摩」

天菜娘娘話,「按摩」呢兩個字遇到過無數次,而且幾乎都會有進一步事情發生!

原片:

最新吃喝玩樂資訊