入睡速度快不是好事!精神科教授:容易入睡、隨處可睡是身體發出警告訊號|好生活百科
入睡速度快不是好事!精神科教授:容易入睡、隨處可睡是身體發出警告訊號|好生活百科

入睡速度快不是好事!精神科教授:容易入睡、隨處可睡是身體發出警告訊號|好生活百科

有人話,入睡速度反映身體健康,有些人需要1至2小時先瞓到,但另一方面,又有人「容易入睡」、「喺邊度都瞓得著」,背後又係咪代表健康睡眠嘅證據呢?即睇睡眠專門醫生點樣講,關心一下自己嘅睡眠健康!

撰文:C|圖片:新傳媒資料庫、irasutoya、網上圖片|編輯:姐

【睡眠健康】精神科教授:入睡速度快不是好事!
可能係身體「危險訊號」

精神科及睡眠專門醫生三島和夫指出,生活中有唔少人經常自豪自己「容易入睡」、「喺邊度都瞓得著」,但其實可能係嚟自身體發出嘅「危險訊號」!

入睡速度
圖片來源:《Running Man》

事實上,睡眠時間充足嘅人,由熄燈到瞓著需時大約 15 分鐘。環境變昏暗後,需充分調整體內環境至入睡狀態,眼瞓嘅感覺先會慢慢浮現。明明好早走上睡床,但直到入睡為止卻花費咗好多時間,相反地因捱夜導致睡眠不足,就會好快瞓得著。根據每日嘅疲累狀態,或前一日嘅睡眠時間不同等因素,入睡時間每日唔同係普通不過嘅事。

入睡速度
根據每日嘅疲累狀態,或前一日嘅睡眠時間不同等因素,入睡時間每日唔同係普通不過嘅事。

「我每日一上睡床就會秒速入睡!」呢種人好有可能正受慢性睡眠不足症困擾!特別係工作提早結束嘅晚上,比平常時間更早上床就寢,呢啲時候都依然好快瞓得著嘅話更需小心注意。睡眠係擁有容易推遲延後(捱夜),但難以提早進行(早瞓)嘅特徵。所以若然喺比平常時間早就寢,都仍然好快瞓得著嘅話,就係睡眠不足嘅徵兆!

入睡速度
插圖來源:irasutoya

晏晝都好瞓得嘅係「紅色訊號」

為咗測試有冇睡眠障礙,會有一項檢查係客觀測試午間嘅睡意強度(反覆睡眠潛時檢查)。檢查會於日間時份,分 4-5 次進行,每次約 2 小時,患者將被安排到昏暗安靜嘅房間中橫躺,透過腦波檢查入睡所需時間。

入睡速度
失眠固然令人身心疲累,但成日都覺得眼瞓亦非好事!

睡眠時間充足嘅人,平均入睡速度為 10 多分鐘。檢查嘅 4-5 次當中,有 1-2 次係檢查結束 20 分鐘後完全無法入眠。此結果係因為晚間有充分確保好睡眠時間。另一方面,通宵一日後於翌日再進行同樣檢查,平均入睡時間縮短至 2、3 分鐘。其中更有 1-2 次 只需花十幾秒就能瞓著。一般而言,平均入睡所需時間未夠 8 分鐘嘅情況下,則將被判定為「異常的睡意」。

或會導致認知機能低下/壓力

醫生指,最近多咗唔少明明冇通宵,但受強烈睡意困擾嘅患者。進行反覆睡眠潛時檢查後,很多都屬於只需數分鐘便能入睡嘅強烈睡意。雖然多數會懷疑患上睡眠窒息症,又或明明夜晚瞓得好足,日間時份卻受強烈睡意困擾嘅嗜睡症,但實質確診嘅病人並沒有很多。經過多重檢查後,大多都發現強烈睡意嘅原因係「睡眠不足」!

入睡速度
圖片來源:irasutoya

年輕世代大多都認為「瞓 6 個幾鐘夠晒啦」,但因為身體必需嘅睡眠時間比你想像之中長,日積月累嘅睡眠不足,便成為日間強烈睡意嘅原因。

呢類人嘅共同特徵,就係「只要一上睡床就即刻瞓得著」、「無論喺邊都瞓得到」。呢項「能力」並非睡眠健康嘅表徵,相反地,係身體嘅警告指示。狀況持續嘅話,有機會導致認知能力低下(冇記性、表現力低)、壓力度增加,身心均會有莫大負擔。

入睡速度
成日覺得眼瞓嘅人,就應該好好檢視一下自己嘅睡眠習慣啦!

「會議開始便立即覺得眼瞓」、「上車一坐落位就瞓得著」、「食完飯瞓喺梳化不經不覺就瞓著咗」⋯⋯如果你都係咁嘅話,就要好好改正自己嘅睡眠習慣啦!

韓星IU創「獨家入眠方法」
加快入睡速度

作為明星,經常因為繁忙的行程而沒有充足的時間休息。IU 20歲開始就已經有失眠症,而症狀已是非常嚴重,即使工作了一整天已經十分疲倦,但回家後同樣一小時都睡不著 。

入睡速度
IU年紀輕輕就患有失眠症。

IU去年在韓國KBS節目《對話的喜悅》中分享了自己的失眠問題,同時都分享了自己發明的入眠方法。非常簡單,首先是平躺在床上,閉上眼之後在腦海中想像一個影像,不過就一定要是簡單的影像,例如桃。

入睡速度
1:閉上眼後幻上一個影像。

之後就幻想以不同的角度去觀察這個影像,例如把桃的前後左右,上至下、左至右、放大到紋理看看之後又縮小,像是用攝錄機多角度去拍攝這個桃一樣。IU說,多次來回之後就會感到有睡意,很快就可以加快入睡速度。

入睡速度
2:用不同角度去觀察這個影像。

看過節目之後,網民都表示這個方法真的有用,所以有失眠的話,都不妨都嘗試下。亦希望IU以後可以擺脫失眠的困擾。

最新吃喝玩樂資訊