譚仔姐姐
譚仔姐姐

譚仔姐姐都月入萬五以上!網民:廢青買唔到樓係因為只顧吃喝玩樂!|網絡熱話

熱話

廣告

做譚仔姐姐分分鐘人工仲高過寫字樓工!有網民於討論區發文,指譚仔姐姐的人工已經直迫寫字樓人工,大鬧「廢青」買唔到樓只係藉口,掛住吃喝玩樂,兩公婆一齊做譚仔一定買得起樓,即睇詳細討論!

撰文:浩德|圖片:新傳媒資料室、討論區截圖|資料來源:香港討論區|編輯:Evita

譚仔姐姐人工高過月入中位數!

網民就以「譚仔呀姐人工都$15,000,班癈青仲話買唔起樓」為題開帖發文,指近日發現譚仔招聘最低職位阿姐嘅人工都有$15,000,認為「廢青」聲稱買唔到樓係因為唔努力、唔儲錢!並認為只要肯努力,要上車一啲都唔難!(*現時譚仔姐姐人工已達$16,500-$17,000)

做譚仔仲可以日日食譚仔,好過打其他工。(圖片來源:新傳媒資料室)
做譚仔仲可以日日食譚仔,好過打其他工。(圖片來源:新傳媒資料室)

男女友都做譚仔 已畀到首期

樓主指:「假設男女友都做譚仔,已經月入$30,000 ,認真儲錢,一個月共儲$18,000一年已經儲到22萬,儲三年已經有66萬存款,夠畀首期買上車盤有凸,反觀嗰班死廢青,冇能力,又唔努力,又唔儲錢,就喺度埋怨政府唔送層樓比佢哋,400萬至600萬樓睇唔上眼,1,000萬樓先睇得上眼, 就好似唔揸日本車,死都要揸法拉利」

樓主大鬧年青人唔去做譚仔姐姐,反而呻自己買唔到樓。(圖片來源:討論區截圖)
樓主大鬧年青人唔去做譚仔姐姐,反而呻自己買唔到樓。(圖片來源:討論區截圖)

樓主繼續大呻:「一年去四五次旅行,日日飲$40喜茶,間中的士出入,放工就去酒吧摸酒杯底,生日要送份一萬蚊禮物比(俾)自己,分分鐘連佢哋老細都冇咁大洗(使)威水囉,巴閉囉,抵死你班死廢青,個垃圾政府又係無能,起咁多公屋比班新移民,多公屋=少私樓=私樓貴 多公屋=私樓業主要出錢補貼俾班公屋仔。」

其實依家譚仔姐姐人工連埋勤工等已經多過月入中位數。(圖片來源:譚仔三哥)
其實依家譚仔姐姐人工連埋勤工等已經多過月入中位數。(圖片來源:譚仔三哥)

網民:買唔到樓真係要自己檢討下

部分網民同意樓主說法,認為「廢青」只顧享樂,不努力儲錢,買不起樓唔應該怨天尤人,因買唔到樓「絕對係自己問題」!

「就算唔做飲食咁辛苦,求其搵份$15,000文職 hea 工也不難,人工高先難。」

「其實後生仔正正常常做幾年,人工到二萬蚊好平常,情侶一齊夾錢買樓真係易過借火」

「買唔到樓真係要自己檢討下」

樓主更話,情侶夾錢買樓易過借火。(圖片來源:討論區截圖)
樓主更話,情侶夾錢買樓易過借火。(圖片來源:討論區截圖)

難過銀行貸款壓力測試

亦有部分網民比較貼地,指出若「現實搵2人合共搵$30,000 一早鎖定資助房屋」,更有心水清網友指,若根據樓主的前設,「首先你要有條女!第二係你唔使交租或租板間房或有公屋住!第三做衰仔唔畀家用!」否則,正常根本沒可能可以月儲到$18,000,而且也有多位網民提到,以兩人月入只有3萬的入息,很難過得銀行貸款的壓力測試。

你估人人都有女咩!(圖片來源:討論區截圖)
你估人人都有女咩!(圖片來源:討論區截圖)

網民後來更指出,依家 66 萬其實已經好難畀到首期又只以3萬月入過到壓測!

「66萬有什麼上車盤?有計過之後要月供多少嗎?兩個人月使$12,000!?一定不用交家用或者租樓的」

「你未計通脹同壓力測試,五年後收入會有幾多升幅?壓測過唔過到有無計過?兩人合共月儲18000唔係有問題,不過學你講用加法增長絕對追唔上未來通脹率,三年太拉車邊」

如果兩個人月入3萬,合儲,000,應該要各自癡屋企先做到。(圖片來源:討論區截圖)
如果兩個人月入3萬,合儲$18,000,應該要各自癡屋企先做到。(圖片來源:討論區截圖)

對於網民的質疑,樓主以置業貸款計程算的計算結果來引證儲到66萬是可以買到400萬的樓。更指「大把朋友400萬上車,都唔使66萬」並指壓力測試或真有機會不過,但「只計基本雜費點會唔夠」,堅持己見。

買樓除咗首期,仲有好多雜費!(圖片來源:pexels)
買樓除咗首期,仲有好多雜費!(圖片來源:pexels)

最後有網民直言,「若然負擔得起又不需節衣縮食,可以擁有屬於自己的地方當然是最好的選擇,問題是15,000的人工,勉強去供樓又是不是合適呢?」

300萬依家連龍床盤都買唔起!(圖片來源:討論區截圖)
300萬依家連龍床盤都買唔起!(圖片來源:討論區截圖)

撰文:浩德|圖片:新傳媒資料室、討論區截圖|資料來源:香港討論區|編輯:Evita