熱心打工仔為跌倒伯伯報警 公司:「都係當你遲到!」
熱心打工仔為跌倒伯伯報警 公司:「都係當你遲到!」

熱心打工仔為跌倒伯伯報警 公司:「都係當你遲到!」

老套問一句,喺街上見到有婆婆跌親,你哋會選擇伸出援手定係視而不見呢?今日就有網民喺「Tai Po大埔」Facebook群組上載一張相片,相中見到快餐店入面有人側身瞓喺地上,身邊有幾個途人,樓主表示為幫跌倒嘅伯伯,公司竟然無視解釋當遲到,引嚟一眾網民留言表示:「喺香港做打工仔真係好慘!」

撰文:Evita | 圖片:新傳媒圖片庫、Facebook@「Tai Po大埔

熱心打工仔為跌倒伯伯報警

樓主表示返工前喺快餐店食早餐期間,見到一位伯伯失平衡跌倒,頭部嚴重出血。樓主主動報警求助,當時亦有兩位途人同一位後到嘅商場保安到場協助。警察到場後叫佢哋留低協助調查,直到救護員到場。

報警
圖片來源:網民Salamandra Jones

此時樓主向公司交代情況,再問公司喺呢種情況下點樣處理遲到問題,竟然畀同事反問:「點解係你報警唔係職員報呢?都係當你遲到囉,公司無呢類情況指引。」

《愛回家之開心速遞》劇照
《愛回家之開心速遞》劇照

樓主又話,有份幫手嘅女士事後不斷抱怨當時點樣叫其他人報警都無人郁,包括快餐店職員,上班族食完即閃,街坊就只識企喺旁邊食花生。

樓主感嘆公司同途人嘅反應令人覺得婉惜,指:「香港人『返工第一』呢種特質非一朝練成,而且促成社會嘅冷漠程度。」

樓主原文

到目前為止,帖文已經得到2百幾個留言回應,有網民大讚樓主救死扶傷,有網民大鬧快餐店職員唔幫手,又有人同樓主一樣慨嘆社會已經扭曲。

網民認為香港人質素愈嚟愈差
喺香港做打工仔真係做到麻木晒……

有網民藉住呢件事分享過往經歷,表示社會上真係有救急扶危嘅人,亦有人置身事外。如果今次係你遇到呢件事,你又會點做呢?救人定係返工重要啲,就好似阿媽同女朋友一齊跌落海救邊個先,問題長期發生。

 

最新吃喝玩樂資訊