日本Strikenoodles拉麵尖沙咀開 $10限定白湯野菜醬油拉麵|出街搵食
日本Strikenoodles拉麵尖沙咀開 $10限定白湯野菜醬油拉麵|出街搵食

日本Strikenoodles拉麵尖沙咀開 $10限定白湯野菜醬油拉麵|出街搵食

又一間大阪過江龍拉麵店登港!Strikenoodles(どストライク軒)在大阪有2間分店,最近於尖沙咀開設分店,主打白湯野菜醬油拉麵、白湯蜆松露鹽味拉麵、特製鹽味湯沾麵和明太子豚肉撈麵等,另外,還有香港限定的大魔王拉麵,8分鐘限時內食完即可免費!由即日起至3月1日,新開業期間,更推出$10食白湯野菜醬油拉麵優惠,每日限量30碗,拉麵迷必試!

撰文:Sakura 攝影:Scott

Strikenoodles(どストライク軒) 大阪開業30年

どストライク軒是日本集團COSMIC DINER其中一間人氣拉麵店,大阪分店開業30多年,於日本點評網Tablebog有3.58分好評,香港店由藤井健太郎親自主理,他是老闆兼拉麵師傳,有入廚25年經驗,曾到過上海,越南,泰國,香港海外開店,為確保拉麵水準與日本一致,店內選用的食材都由日本直送,保持日本風味。

店內裝修都與大阪店相似
藤井健太郎,老闆兼拉麵師傳,有入廚25年經驗。

白湯野菜醬油拉麵 限定$10碗

店內大部分食材都由日本直送,拉麵都用上同一款湯底再分別調味,以20多隻日本鹿兒島赤雞、昆布、鰹魚熬煮6小時,再加上日本醬油、甜豉油、蒜蓉、黑椒等調味。而招牌白湯蜆松露鹽味拉麵,湯底再加上忌廉、松露,令湯底濃厚鮮甜,富松露香,配上鹿兒島叉燒、蜆肉,更添鮮味。由即日起至3月1日,新開期間,更可以優惠$10食白湯野菜醬油拉麵,每日限量30碗,記得經過去試下啦!

白湯野菜醬油拉麵$88
湯底醬油味濃郁,拉麵彈牙爽口,叉燒不會太肥膩。
白湯蜆松露鹽味拉麵$98
味道濃厚,叉燒肉質富彈性,麵條柔軟。

拉麵款式 選擇多元化

除了2款味道濃郁清雞湯的拉麵外,喜歡食辣的你一定要試下地獄湯拉麵!餐牌已註明3隻辣椒,可想而知有幾辣,湯底加入不同辣粉調製而成,聞落已有濃濃辣香,入口雖然辣,但不會掩蓋湯底的鮮味,味道香口刺激,麵條掛上濃濃辣湯,極之吸引。

地獄湯拉麵$88
辣控要試!湯底完全滲透叉燒中,肉質香辣軟腍,味道香口刺激!

不想只食湯麵,就要試下特製鹽味湯沾麵,師傅表示沾麵所用的湯不能太稀,要確保麵條沾滿雞湯,所以沾麵雞湯味道偏濃,入口順滑,充滿油香。

特製鹽味湯沾麵$98
味道濃郁,入口香醇,充滿油香。

明太子豚肉撈麥麵妨間拉麵店少見,明太子鹹香十足,再配上半熟溫泉蛋,將蛋汁和明太子撈麵,口感濃厚,每條麵條都充滿蛋香,十分美味!

明太子豚肉撈麥麵$88

大胃王拉麵比賽 勝出可免費食麵

店子每天下午2時至4時舉行大胃王比賽,8分鐘限時內食完3人份量的特大白湯蜆松露鹽味拉麵,即可免費!勝出者更可獲得一張免費拉麵卷,有興趣一定要試下!

大魔王拉麵$198
3人份量的白湯蜆松露鹽味拉麵,份量超重量級!

どストライク軒

地址: 尖沙咀柯士甸路17號豐樂大廈2號鋪(顯示地圖
電話:2682 6550
營業時間:星期一至日11:30am – 10:30pm

最新吃喝玩樂資訊