打工
打工

40歲IT男月入6萬突被炒魷 打工11年只被公司當成一堆數字 網民竟讚好榜樣

網絡熱話

廣告

打工仔從來都不容易,若人到中年兼有家室才突然被公司解僱,實在是一大難關。早前就有一位40歲IT男,在討論區分享自己被解僱的心路歷程。此帖一出即引來極大迴響,因他雖中年失業,但卻豁達分享人生起伏,其正能量感動了不少網民。

精簡架構為由 做咗11年被炒

事主以「一間公司做左(咗)11年,今日俾佢炒左(咗)」及「17歲出黎(嚟)做野,做左(咗)23年,前日岩岩(啱啱)失業」為題發帖,表示本來從事廣播工程,涉及電腦及媒體工作。

中五會考只有3分就一早出去做野(嘢),一做就23年,期間讀返個creative media degree」最後一份工為一家美國公司,由低起到技術支援經理 (Solution & Tech Manager)做了11年,因公司要精簡架構,所以被炒。

打工 因為公司要精簡架構,避不開被裁命運。
因為公司要精簡架構,避不開被裁命運。(圖片來源:討論區截圖)

「公司只當我哋係一堆數字」

事主被解僱前,月薪達6萬。他表示自己雖被炒但沒有唔開心,因為幸好有長期服務金及公司沒有以MPF對沖。加上本身對公司「冇乜感情」,反而對同事感不捨。事主:「會諗返同D同事嘅回憶,諗起尋日佢地(哋)知道呢個消息時個樣仲down 過我」

他表示自己「第一日返工已經見到公司可以一次過炒一個部門,跟手每年都炒兩三個都知公司只當我地(哋)係一堆數字,反而同事間好close 因為一齊出site 做野(嘢)乜都傾,同堆(埋)我team 人個個都好幫手唔會推莊」

打工 本身對公司「冇乜感情」,反而對同事感不捨。
本身對公司「冇乜感情」,反而對同事感不捨。(圖片來源:討論區截圖)

人到中年被炒 同事愈見愈少

有網民指其實事主的公司都算有人情味,因為沒有以MPF對沖其長期服務金,而且過完年先炒他。

人到中年被炒,事主也會擔心前景,因為都有負擔,「我份工又唔算文職,不過行頭窄,不過做個行厭個行,好想試下創業轉行。」當被網民問到有否後悔入錯行時,他指自己冇後悔。而且被炒也沒驚訝,因為「當你發現身邊同事一個一個少,就唔會驚訝,我個team 全盛時有12個人,到左(咗)今日走埋我,得返3個人。」

打工 當你發現身邊同事一個一個少,就唔會驚訝。
當你發現身邊同事一個一個少,就唔會驚訝。(圖片來源:討論區截圖)

入職underpaid都繼續捱!

事主今年剛好40,他指自己一直都沒計較過人工,當年一入職都是underpaid。但他心態係「做到就做」,因為深明自己不是「專才高人一等」,就算是其他人眼中的「豬頭骨,蝕底野,只要我做到都會做」。他表示:「對住鬼佬從不擦鞋,講得出做得到,唔會為啖氣,或者為嘈而嘈」。

好難搵番一樣人工 老婆變番打工仔

他指現時是租樓,「有d 積蓄頂到半年」,並表示深明自己現在已經很難搵返以前的人工,所以若搵到工減人工都會照做。而暫時首要是先休息兩星期,然後再作打算。他指妻子本來是護士,但因當年有產後抑鬱,所以已有5、6年沒再工作,他說已與太太討論她重回工作崗位的可能性,但不想感壓力而出去工作。

打工 妻子本來是護士,但因當年有產後抑鬱,所以已有5、6年沒再工作。
妻子本來是護士,但因當年有產後抑鬱,所以已有5、6年沒再工作。(圖片來源:討論區截圖)

當年會考只得3分 再進修先做到IT!

事主又指自己當年中五會考只得3分,無任何技能只比較熟悉電腦,因當年好想做Designer,所以去學Photoshop 排版。但做了一年Designer後就開始感工作沉悶,由於不想再做平面設計,而想做網站相關工作,所以裸辭。卻因幾個月都找不到工作,所以再進修電腦相關課程。再經朋友介紹正式入IT行業。

打工 樓主又指自己當年中五會考只得3分,無任何技能只比較熟悉電腦。
事主又指自己當年中五會考只得3分,無任何技能只比較熟悉電腦。(圖片來源:Unspalsh)

誤打誤撞入行

在誤打誤撞的情況下,就去了一家做broadcast video project的公司工作。他當時「傻下傻下話試下,個時英文又唔識,佢俾成100mb pdf manuals 我睇,個(嗰)一年一邊查字典一邊睇,慘過考會考⋯⋯」

打工 樓主英文唔好,唯有將勤補拙!
事主英文唔好,唯有將勤補拙!(圖片來源:Unsplash)

「一做就做左7年,每日朝9晚10,(其實晚六,但我乜都要由頭學所以留係公司睇同試到10點11點先走) 最後因為d客鍾意同我傾,招試殺身之禍,之後就走左去做video editor9個月,又俾依家呢間公司搵到,又係經人介紹所以入左⋯⋯」這就是事主的入行經過。

打工 樓主入行,只係誤打誤撞。
事主入行,只係誤打誤撞。(圖片來源:Unsplash)

網民大讚正能量

事主表示積極,且不介意分析自己入行經過,在工作中所遇過的挑戰及工作問題。字裡行間充滿正能量,當網民分享自己對前景不安時,更反過來安慰。

網民看過事主的故事後都大讚他「處事能力高,肯學肯做絕對係好上司好下屬,仲係好爸爸,好多正面思想,做到個好榜樣」,又話「難得喺連登睇到啲咁正面咁勵志嘅故事」。

打工 大讚他「處事能力高,肯學肯做絕對係好上司好下屬。」
大讚他「處事能力高,肯學肯做絕對係好上司好下屬。」(圖片來源:討論區截圖)

關鍵詞
網絡熱話
圖片來源:討論區截圖、unsplash