外傭不幸確診患子宮頸癌 梁家輝舉家陪伴最終抗癌成功
廣告
61歲影帝梁家輝同電台製作人妻子江嘉年婚後育有一對現年27歲雙胞胎女兒梁穎晨（Chole）同梁靜曦（Nikkie），一家人可謂相處融洽，梁家輝同女女就好似朋友咁。不過梁家並唔係得4口子咁簡單，屋企嘅外傭係其中一份子！近期梁家就上下齊心陪外傭Delia抗癌，非常感人啊！
撰文：Evita、東方新地| 圖片：Instagram
梁家輝外傭抗癌成功
根據梁家輝一對孖女今日（2月18日）喺Instagram上講，外傭Delia幫梁家打工打咗30年，不幸地Delia 喺去年11月中確診患上2B子宮頸癌，腫瘤直徑足足有7cm。經過幾個月嘅治療，例如每星期一次化療、5日放射治療、4次電療，最終Delia抗癌成功！
Chole同Nikkie都紛紛喺Instagram上發布幾張相片，宣布Delia抗癌成功。相片中見到兩姊妹之前陪Delia出入醫院接受治療，梁氏一家更為Delia慶祝生日添！
從合照中感受到梁家輝同Delia十足十一家人咁，家輝哥仲將頭捱落Delia膊頭上合照，非常溫馨。
兩姊妹由細已被Delia照顧，真係好難唔成為互相扶持嘅一家人，小編在此祝願Delia可以身體健康！
相關文章：
梁家輝 江嘉年 鬼馬合照
61歲梁家輝與太太江嘉年87年結婚，至今恩愛足32年，上年5月20日，囡囡Chloe同Nikkie特別為兩人親手炮製咗一個靚靚蛋糕嚟慶祝，梁家輝仲一邊攬實老婆，一邊伸晒脷咁同老婆鬼馬合照，動作充滿童真。
之後佢又捉實老婆手仔一齊切蛋糕，認真sweet！
仲有全家福，一家人一齊食飯慶祝。
31年前嘅擺酒相，值得紀念！
仲有梁太江嘉年後生時嘅靚相，相當珍貴！
日常嘅恩愛照。
好sweet呀！
孖女特別鍾意影父母嘅背影，仲讚佢哋係模範夫妻！
兩公婆仲著情侶裝㖭！
一家四口感情勁好，囡囡仲好鍾意黐實媽咪！
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
