超市2月話題零食30款！「食在元朗」谷友推介燒賣＋明治麥提莎＋KitKat 朱古力新味｜超市買呢啲

撰文：Sakura 攝影：Tony

1. 湖池屋岩鹽黑椒味薯片

包裝袋可以整成薯片桶狀，吃落更方便。黑椒味香濃，有淡淡的鹽味，薯片呈波浪形狀，入口爽脆。

銷售點：一田超市

2.湖池屋鹽味金箔薯片

薯片都有金箔！？一打開就見到閃亮的金箔碎粉，薯片閃閃發光好靚！食落淡淡的鹽味，口感好脆口。

銷售點：7-11

3. 童星點心麵靜岡限定櫻花蝦味

童星點心麵炒麵味就食得多，今次新出限定櫻花蝦味，打開有陣陣蝦味，食落脆口，記者建議一次可放多啲入口，口感會更豐富，櫻花蝦味會更濃。

銷售點：7-11

4. ACE休閒肉鬆餅

平時肉鬆食得多，肉鬆餅乾就比較少見，餅乾脆口，入口有強烈肉鬆味，不過有點偏鹹，佐汽水一流！

銷售點：一田超市

5. 小老板鹹蛋紫菜天婦羅

小老板都出鹹蛋紫菜，仲要係脆身天婦羅！入口鬆脆，有濃郁的鹹蛋黃味，非常惹味！

銷售點：7-11

6. Mr.PORKY英式脆脆豬（低脂版）

脆豬皮零食很少有，一出就有3款口味，低脂版味道比較淡，減低肥膩感，豬皮脆口帶香。

銷售點：一田超市

7.Mr.PORKY英式脆脆豬（沙爆版）

沙爆版豬皮呈長條形，比較硬身，鹹味濃郁，香脆可口。

銷售點：一田超市

8.Mr.PORKY英式脆脆豬（邪惡版）

邪惡版是重口味之選！豬皮呈圈狀，咬落更加脆口，味道偏鹹，惹味十足，佐酒一流！

銷售點：一田超市

9. 中祥巧心蘇打牛軋餅乾（Skippy花生醬口味）

餅乾鬆脆，夾著勁多花生醬，花生醬味香醇，記者建議可以先叮一叮大約1分鐘，就有流心效果，更添美味！

銷售點：優品360

10.中祥巧心蘇打牛軋餅乾

香葱口味的餅乾，內夾香醇牛軋餡，餅乾酥脆，混和香濃牛奶口味夾心，香脆可口！

銷售點：優品360

11.中祥巧心蘇打牛軋餅乾（日式抹茶口味）

中間夾著抹茶口味牛軋餡，茶味香醇，淡淡的抹茶味，口感清甜。

銷售點：優品360

12. HERSHEY’S 朱古力爆谷

巨型包裝勁吸引！7-11獨家發售HERSHEY’S朱古力爆谷！打開有濃醇朱古力香味，入口香濃朱古力味，爆谷酥脆。

銷售點：7-11

13. 原支秋葵脆脆芥辣口味

100% 天然，無糖添加，是健康小食之選！食落比想像中好食，芥辣不會太濃，無滑潺潺口感，爽口香脆。

銷售點：7-11

14. 酸忌廉洋葱秋葵脆脆

另一款健康小食，秋葵含豐富的水溶性膳食纖維，有助避免便祕，入口香脆可口，有淡淡忌廉洋蔥味，味道不錯！

銷售點：7-11

15. Meiji焦糖牛油朱古力

Meiji新口味，朱古力餡有流心，入口有牛油香，食落creamy，甜度適中。

銷售點：優品360

17. 森永黑朱古力味小枝

形狀像樹枝，所以命名為小枝，細細條易入口，入口有香濃牛奶味，朱古力條脆口，香甜酥脆。

銷售點：一田超市

18.Meiji雪吻香濃可可雜莓朱古力

混合雜莓果味和香濃可可味，朱古力餡足料，酸甜度適中，朱古力夾著雜莓果粒，入口即溶。

銷售點：7-11

19.Meiji輕盈牛奶朱古力

Meiji都出麥提莎！？今次特意用球體形狀設計，令整體口感更輕盈，入口不像麥提莎爽脆，是平時食的朱古力餡，口感幼滑，味道比較甜。

銷售點：7-11

20. 伊藤藍莓撻

記者推介，一打開就聞到強烈的藍莓香味，餅乾脆口，濃郁的藍莓甜味，好有果香。

銷售點：優品360

21. 7-11新品 KitKat 意式芝士味朱古力

7-11新品，外層是香甜士多啤梨白朱古力，配搭芝士、咖啡同可可內餡，味道香醇，入口幼滑。

銷售點：7-11

22.齊藤制果 三重限定伊藤龍蝦百力枝

一盒有4小盒，百力枝香脆可口，食落有濃郁蟹殼味和淡淡龍蝦香味，喜歡鮮味的可以試一試。

銷售點：優品360

23.扇雀白桃味糖

一包就可以一次過試到5款不同的桃味硬糖，分別是酸奶白桃味、濃郁白桃果汁味、白桃奶昔味、汽水白桃味和白桃蛋糕味，食落酸酸甜甜，充滿各種桃味的味道。

銷售點：7-11

24. 家庭裝媽咪麵

小時候必定吃過媽咪麵，今次媽咪麵出家庭裝，啱哂一家大小，親戚朋友一齊開心share～不過注意家庭裝只有辣味，愛食辣之人就最適合！

銷售點：優品360

25. 印尼營多鹹蛋黃撈麵

印尼營多撈麵是窮人恩物，又好食又飽肚，今次出鹹蛋黃味，更添風味，鹹蛋黃味濃郁，麵條彈牙，每條都沾滿鹹蛋碎，惹味十足！

銷售點：士多Ztore

26.道地蜜柑紅茶、草莓紅茶

道地推出2款限定飲品，其中蜜柑紅茶，入口充滿果香，蜜柑味清甜；草莓紅茶入口有濃郁草莓果香，入口清甜帶香，甜度適中。

銷售點：7-11

27. 可口可樂桃味

可口可樂新出限定桃味，陣陣桃味果香，入口清甜帶香。

銷售點：7-11

28.Häagen-Dazs花果限定口味！橙花迷你杯

今次Häagen-Dazs推出花果系列的雪糕，分別有橙花和茉莉花紅桑子石榴兩款口味，前者以清甜橙花雪糕結合佛手柑醬，味道清新；後者以淡香茉莉花雪糕混合紅桑子石榴醬，酸甜可口，果香十足。除了迷你杯和家庭裝，今次推出脆皮雪糕批，口感更豐富！另外杯身採用了花果圖案，顏色鮮豔。想食的朋友要注意！由2月18日起就開始發售，手快有手慢冇啊！

Häagen-Dazs花果限定口味！茉莉花紅桑子石榴迷你杯

銷售點：各大便利店、超級市場及日資超市發售

29.Häagen-Dazs脆皮雪糕批橙花口味

Häagen-Dazs脆皮雪糕批茉莉花紅桑子石榴口味

銷售點：各大便利店、超級市場及日資超市發售

30. 元朗凍肉店發現！

金龍魚肉、豬肉燒賣

元朗有間凍肉店，有售金龍牌魚肉、豬肉燒賣，很多元朗人都喜歡買來吃，記者今次專程到元朗買來一試，即睇試食分享！

銷售點：元朗營養豐

地址：元朗壽富街大橋街市地下m11、18、19舖（美心對住門口入，第一條街右邊）