主題餐廳
主題餐廳

主題餐廳 今夏最hit~動漫界殺入食壇!

博客

廣告

暑假來了,不單學生哥們放假,原來連動漫人物都放假,齊齊過界秘撈。秘撈什麼?開 主題餐廳 囉!唔係講笑,粗略數數,五、六間同動漫有關的 主題餐廳 ,將會陸續登場。好似Megabox的日和號,找來咸蛋超人站台,推出多款造型美食和甜品,插兩隻炸蝦在沖繩黑咖喱上,再用薯仔扮成兩隻巨箝,名為「暗黑雙尾怪咖喱飯」,騎呢又爆趣。你有超人,我都有。一風堂亦請來正義 朋友幪面超人,將壞人「龍蝦怪」斬件,做成拉麵。這碗全新的龍蝦拉麵將15/7推出,店內還有大堆超人紀念品可供換領。

那邊打生打死,懶洋洋的蛋黃哥就夥拍點心代表,躺著迎戰。想知蛋黃哥如何化身燒賣同蛋 撻,16/8就自有分曉。等唔切,唔怕,可以搵比卡超頂住檔先,23/7-25/10一班寵物小精靈會去 到全線沙嗲王,聞說很多飲品、食品都有他們的嘜頭,粉絲不能錯過。數來數去都是過江龍,其 實「 地頭蟲 」忌廉哥亦暗暗革命,上星期聯同譚仔三哥在觀塘開了主題米線店,周圍放滿忌廉哥 的卡通精品,連杯碟都印上貓樣,卡哇咦 !